वालिङ,१२ असोज- केही दिन देखि लगातार परेको वर्षाका कारण स्याङ्जामा गोठ भत्किदा पशुचौपाया मरेका छन् । वालिङ नगरपालिका ११ तल्लो पेखु र गल्याङ नगरपालिका ६ पँधेरामा गोठ भत्किँदा भैँसी तथा बाख्रा र कुखुरा मरेका छन् ।
वालिङ ११ तल्लो पेखु कागती भञ्ज्याङमा लक्ष्मण ढुङ्गानाको ढुङ्गे गोठ भत्किदा २ बाख्रा मरेका छन् भने गल्याङ नगरपालिका ६ की तुल्सीदेवि थापाको गोठ र बाख्राको खोर भत्किदा एक भैँसी, दुई बाख्रा र १५ कुखुरा मरेका छन् ।

केही दिनदेखि लगातार परेको वर्षाका कारण स्याङ्जाका विभिन्न ठाउँमा जाने ग्रामीण सडकहरु समेत अवरुद्ध बन्न पुगेका छन । स्थानीय तहका साथै जनप्रतिनिधिहरुको पहलमा केही सडकहरु खुलाउने पहल गरेपनि अधिकामशै ग्रामीण सडकमा पहिरोका साथै भलले क्षती पुर्याएको छ ।