विद्यार्थी पढाउँछन् विद्यालय व्यवस्थापन समितिका अध्यक्ष श्रेष्ठ

अर्जुन काफ्ले

स्याङ्जा,६ फागुन- विद्यालय  व्यवस्थापन समितिका अध्यक्षको काम कर्तव्य विद्यालयको प्रशासनलगायतका गतिविधि हेर्ने र विद्यालय राम्रो बनाउने हो । पुतलीबजार नगरपालिका वडा नं ३ कुमाल गाउँमा रहेको काजिमान हरिटीका माविको व्यवस्थापन समितिका अध्यक्ष ई अनुप श्रेष्ठले भने पढाउन पनि थाल्नुभएको छ । 

निम्न माध्यमिक तहको गणित÷विज्ञान शिक्षक सरुवा भई काठमाडौं गएपछि कक्षामा शिक्षकको अभाव हुन नदिन अध्यक्ष श्रेष्ठले बढाउनुभएको हो । अब निजकै परीक्षा आइरहेको बेलामा विद्यार्थीको पढाइमा समस्या आउने भएकाले आफैँ पढाउन थालेको अध्यक्ष श्रेष्ठले बताउनुभयो । 

नयाँ शिक्षक केही दिनमा नै आउने बताउँदै श्रेष्ठले केही दिनदेखि कक्षा ८ र ९ मा विज्ञान विषय बढाएको बताउनुभयो । एक हप्ता पढाएको बताउँदै श्रेष्ठले अबको एक हप्तामा नयाँ शिक्षक आउने र नआएमा चैतको परिक्षा सम्म अध्यापन गर्ने बताउनुभयाे । सूचना अधिकारी युवराज पौडेलले विद्यालयको अध्यक्ष भएकाले दैनिकजसो विद्यालयमा आउने श्रेष्ठले अहिले शिक्षक नभएपछि पढाउनुभएको पौडेलले बताउनुभयो । 

एक वर्ष पहिला मात्र विद्यालय व्यवस्थापनसमितिको अध्यक्ष बन्नुभएका श्रेष्ठले विद्यालयमा धेरै सुधारका काम गर्नुभएको छ । विद्यार्थीको अभाव भएर अर्को विद्यालयमा गाभिने अवस्थामा पुगेको विद्यालयमा अहिले २३० जना विद्यार्थी रहेको पौडेलले बताउनुभयो ।  श्रेष्ठ व्यवस्थापन समिति अध्यक्ष बन्नु अगाडि ६५ जना विद्यार्थी  थिए भने पढाइसमेत नाजुक थियो । 

विद्यालयमा शिक्षक कक्षा कोटाको अवधारणामा  पठनपाठन, हरेक दिन अतिरिक्त विषय सङ्गीत, नृत्य जस्ता कक्षा सञ्चालन, अभिभावकले घरमै मोबाइलबाट आफ्नो नानी बाबुले के गरेका छन् हेर्न मिल्ने व्यवस्था, हरेक महिना शिक्षकलाई उत्कृष्ट शिक्षक तथा विद्यार्थीलाई पुरस्कृत, यातायातमा बसको व्यवस्था गरिएको छ । 

यसै वर्ष गण्डकी प्रदेशमै स्याङ्जाका दुई व्यवस्थापन समिति अध्यक्ष विद्याभूषण पदकमा सम्मान गर्ने निर्णय गरेकोमा एक श्रेष्ठसमेत रहनुभएको थियो ।  

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal