वालिङ,१६असार- वालिङ नगरपालिका ९ भुम्रेमा रहेको पिसजोन इन्टिग्रेटेड एजुकेसनल एकेडेमीका विद्यार्थीहरुले असार १५ लाई रोपाई उत्सवका रुपमा मनाएकाछन् ।
असार १५ लाई कृषि क्षेत्रमा विशेष दिनका रुपमा मनाउने गरिन्छ । यस दिनलाई राष्ट्रि धान दिवसका रुपमा समेत मनाउने गरिन्छ ।

पिसजोन इन्टिग्रेटेड एजुकेसनल एकेडेमीका विद्यार्थीहरुले विद्यालय नजिकै रहेको खेतमा खनजोतका साथै धान रोपेर यो दिवस मनाएका हुन् । विद्यार्थीहरुलाई सैद्धान्तिक ज्ञान मात्रै नभएर ब्यवहारिक ज्ञान समेत दिनुपर्छ भन्ने उद्देश्यले रोपाईँ कार्यक्रममा सहभागी गराएको विद्यालयका प्रिन्सिपल यामप्रसाद डुम्रेले (अमृत) जानकारी दिनुभयो ।

विद्यार्थीहरुलाई सानै उमेर र विद्यालय जीवनदेखि नै काम गर्ने बानीको विकास गराउदै कामको सम्मान गर्न प्रेरित गराउन धान रोपाईँ कार्यक्रममा सहभागी गराएको डुम्रेको भनाइ छ । विद्यालयका कक्षा ८ देखि १० कक्षा सम्मका विद्यार्थीहरु रोपाईँ कार्यक्रममा सहभागी भएका थिए ।