वालिङ,४ मङ्सिर– चापाकोट नगरपालिका वडा नम्बर ५ मा रहेको जनसक्रिय आधारभूत विद्यालय चिठ्ठी पोखरी मतदान केन्द्रमा बुथ कब्जा भएको भन्दै निर्वाचन क्षेत्र नम्बर २ प्रतिनिधि सभा सदस्यका स्वतन्त्र उम्मेदवार ढाल प्रसाद पाण्डे र नेकपा एमाले क्षेत्र न २ प्रतिनिधि सभा सदस्यका उम्मेदवार पद्मा अर्यालका मतदान प्रतिनिधिले निर्वाचन अधिकृतलाई सम्बोधन गर्दै निवेदन दिएकाछन् ।
नेपाली कांग्रेसका कार्यक्रताले बुथ कब्जा गरेर एकलौटी रुपमा मतदान गरेको र निर्वाचन अधिकृतलाई मर्यादित रुपमा मतदान प्रकृया अगाडी बढाउन अनुरोध गर्दा आफुहरुलाई मतदान केन्द्रबाट बाहिर निकालिएको स्वत्रन्त्र उम्मेदवारका प्रतिनिधि सन्देश डोटेल र एमाले उम्मेदवारका तर्फबाट प्रतिनिधि रहनुभएका उजिन्द्र मल्लद्वारा दिएको निवेदनमा उल्लेख गरिएको छ ।

मतदान अधिकृतलाई निवेदन बुजाउदा निवेदन बुजन अस्विकार गरेको समेत प्रतिनिधिहरुले दिएको निवेदनमा उल्लेख गरिएको छ । त्य मतदान केन्द्रमा मतदान अधिकृत नारायण बन्दु अर्यालले निवेदन लिन अस्विकार गरेको प्रतिनिधिहरु द्वारा दिएको निवेदनमा उल्लेख गरिएको छ ।

जिल्ला निर्वाचन अधिकृतको कार्यालय स्याङ्जा, निर्वाचन अयोग काठमाडौं मतदान अधिकृत जनशक्ति आधारभूत विद्यालय चिठ्ठी पोखरी मतदान केन्द्रलाई बोधार्थ राखेर निवेदन दिइएको छ ।

यसै गरी चापाकोटको दारसिङमा रहेको मतदान केन्द्रमा पुग्नुभएकी उम्मेदवार पद्मा अर्याललाई सुरक्षाको कारण देखाउदै बाहिर निकालिएको छ । निवार्चन क्षेत्र नम्बर २ का निर्वाचन अधिकृत रामचन्द्र शर्माले कार्यालयमा निवेदन परेको र यस विषयमा जाचबुझ हुने बताउनुभयो ।

यसै गरी गल्याङ नगरपालिका ७ स्थित महेन्द्र दर्शन माध्यमिक विद्यालयमा रहेको मतदान केन्द्रमा एक राउण्ड हवाई फायर भएको छ । मतदानका विषयमा बिवाद भएर होहल्ला हुदा स्थितिलाई नियन्त्रणमा लिन हवाई फायर भएको प्रहरीले जनाएको छ । केही समय मतदान प्रक्रिया रोकिएपनि बिवाद समाधान गरेर मतदान सुचारु भएको प्रहरीले जनाएको छ ।