वालिङ,१८ भदौ– वालिङ नगरपालिका १३ मा रहेको आँधिखोला बहुप्राविधिक शिक्षालयद्वारा सिक्स परियोजना अन्तर्गत सञ्चालित एक महिने प्लम्वर तालिम सम्पन्न भएको छ ।

सिक्स परियोजना अन्तर्गत साउन १५ गते देखि सुरुभएको तालिम शनिबार सम्पन्न भएको हो । तालिममा २० जनाको सहभागीता रहेको थियो । तालिममा सहभागी प्रशिक्षार्थीहरुलाई प्लम्बीङ संग सम्बन्धित १० हजार रुपैँया बराबरको सामग्री समेत हस्तान्तरण गरिएको थियो ।

तालिमको समापन समारोहमा बोल्दै शिक्षालयका प्रमुख ई. शरद कोइरालाले तालिममा सिकेका कुराहरुलाई व्यवहारमा उतार्दै स्वरोजगार बन्न आग्रह गर्नुभयो । शिक्षालयकी आई.टी प्रशिक्षक प्रोजेक्ट कोर्डिनेटर ई. आस्था गैह्रे, तालिम प्रशिक्षक गिर बहादुर गुरुङ लगायतले बोल्नुभएको थियो । कार्यक्रम शिक्षालयका प्रमुख ई. शरद कोइरालाको साभापतित्व र लेखापाल अशोक गैह्रेको सञ्चालनमा सम्पन्न भएको थियो ।