स्याङ्जा,१९ भदाै- श्रीमतीको हत्या गरेकाे आरोपमा पुतलीबजार नगरपालिका ८ बस्ने गोपाल दमैलाई प्रहरीले पक्राउ गरेको छ ।
आफ्नै श्रीमती ४२ वर्षीय मञ्जु दमैलाई मारेको आरोपमा जिल्ला प्रहरी कार्यालय स्याङ्जाले गोपाल दमैलाई पक्राउ गरेकाे हाे ।

गाेपालले श्रीमतीलाई भदौ १४ गते टाउकोमा हानी घाइते बनाएका थिए । घाईते मञ्जुलाई उपचारको लागि स्थानीयले तत्कालै स्याङ्जा अस्पताल लगेका थिए । स्याङ्जा अस्पतालमा उपचार हुन नसकेपछी उनलाई मणिपाल शिक्षण अस्पताल पोखरा लगिएकोमा भदौ १५ गते उपचारको क्रममा मृत्यु भएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायव उपरीक्षक रबिन्द्र खनालले जानकारी दिनुभयो ।

श्रीमतीको उपचारको क्रममा मृत्यु भएपछि गोपाल दमैलाई पोखराबाट पक्राउ गरेको प्रहरीले जनाएकाे छ।