वालिङ,१८ भदौ– भीरकोट नगरपालिकामा जैविक विषादी तथा झोल मल बनाउने तालिम सम्पन्न भएको छ । नगरपालिकाका ९ वटै वडामा तालिम दिईएको हो । भीरकोट नगरपालिकामा हरित पुनरुत्थान तथा कोडिभ १९ प्रतिकार्य परियोजना अन्र्तगत विभिन्न किसिमका तालिमहरु संचालन गरिएको छ । नगरपालिका र युएनडिपिको संयुक्त आयोजनामा संचालित परियोजना अन्र्तगत जैविक विषादी तथा झोलमल बनाउने तालिम सम्पन्न भएको हो ।

तालिमबाट १०० जना कृषक प्रत्यक्ष लामान्वित भएकाछन् । वडा नम्बर ६ बाट शुरु भएको तालिम शनिबार वडा नम्बर ३ को बानेथोकमा सम्पन्न भएको छ । बानेथोकमा सम्पन्न तालिमको समापनका अवसरमा बोल्दै वडा अध्यक्ष केशरबहादुर खड्काले रासायनिक मलको अभाव भईरहेका बेला जैविक मल तथा विषादीको प्रयोग गरी माटोको उर्वराशक्ति बढाउनुपर्नेमा जोड दिँदै सहभागिलाई तालिममा सिकेका कुरा व्यवहारमा उतार्न अनुरोध गर्नुभयो ।

तालिममा डाँसिनारायण अर्यालले सहजीकरण गर्नुभएको हो । त्यस्तै परियोजना अन्र्तगत २ दिने व्यवसायिक गड्यौले मल बनाउने तालिम भीरकोट ५ को तोरीडाँडामा शुरु भएको छ ।