वालिङ,११ चैत– स्याङ्जाको बिभिन्न ठाउँमा नदिजन्य वस्तु उत्खनन् एवं नदिजन्य वस्तु ओसारपसारमा प्रयोग भएका सवारी सादनलाई प्रहरीले नियन्त्रणमा लिएको छ ।
बिरुवा गाउँपालिकाको वडा नम्बर ६ चिन्नेबास स्थीत ज्याग्दी खोलाबाट जेसीबी र सोही ठाउँबाट ग १ क ४३०६ नम्बरको ट्याक्टरलाई प्रहरी चौकी बिरुवा अर्चलेबाट खटिएको प्रहरी टोलीले नियन्त्रणमा लिएर आवश्यक कार्वाहीको लागि बिरुवा गाउँपालिकाको कार्यालय पठाएको छ भने आँधिखोला गाउँपालिकाको वडा नम्बर ५ आँधिखोला किनारबाट ग १ त ५७५० नम्बरको ट्याक्टर प्र ०२–०३–०० त ४५३७ नम्बरको ट्याक्टर यसैगरी वडा नम्बर ६ बाट ग १ त ६०९९ नम्बरको गरी ३ ओटा ट्याक्टरलाई प्रहरी चौकी सेतीदोभान र जिल्ला प्रहरीकार्यालय स्याङ्जाबाट खटिएको प्रहरीको टोलीले नियन्त्रणमा लिएर आवश्यक कार्वाहीको लागि आँधिखोला गाउँपालिकाको कार्यालयमा पठाइएको जिल्ला प्रहरी कार्यालय स्याङ्जाका प्रहरी नायव उपरीक्षक प्रसन्न राज चौधरीले जानकारी दिनुभयो ।