काठमाडौँ,२९ फागुन–पूर्वप्रधानमन्त्री एवं नेकपा एमालेका अध्यक्ष केपी शर्मा ओलीका बुबा मोहनप्रसाद ओलीको आज बिहान ९७ वर्षको उमेरमा निधन भएको छ ।
बिहान निधन हुनुभएका मोहनप्रसाद ओलीको आजै आर्यघाटमा अन्त्येष्टि गरिएको छ । स्वर्गीय मोहनप्रसाद ओलीको पार्थिव शरीरमा अध्यक्ष ओलीले मुखाग्नी दिनुभयो । उहाँप्रति श्रद्धाञ्जली अर्पण गर्न विभिन्न दलका नेता तथा कार्यकर्ता पशुपति पुग्नुभएको थियो ।
शुक्रबार बिहान भक्तपुरको गठ्ठाघरस्थित नेपाल–कोरिया मैत्री अस्पतालमा उपचारका क्रममा मोहनप्रसाद ओलीको निधन भएको हो । उहाँको पार्थिव शरीरमा आफन्त, नातेदार तथा पार्टी नेता–कार्यकर्ताले श्रद्धाञ्जली अर्पण गरेका थिए ।