वालिङ,२७ मङ्सिर- वालिङ नगरपालिका ९ भुम्रेमा रहेकाे पिस जाेन इन्टिग्रेटेड एजुकेसनल एकेडेमीले विज्ञान प्रदर्शनी एवं प्रतिभा प्रस्फुटन कार्यक्रम सम्पन्न गरेकाे छ।

कार्यक्रमकाे उद्घाटन गर्दै वालिङ नगरपालिकाका नगरप्रमुख कृष्ण खाँणले पिस जाेनले वालिङमा मात्रै नभएर जिल्लामै एक उत्कृष्ठ शैक्षिक संस्थाकाे रुपमा आफ्नाे पहिचान बनाउन सफल भएकाे बताउदै थप सफलताकाे शुभकामना ब्याक्त गर्नुभयाे। नगरप्रमुख खाँणले भन्नुभयाे,”नगरपालिका शिक्षा क्षेत्रकाे सुधारका लागि नगरकाे शैक्षिक नीति बनाएर अगाडि बढेकाे छ।” हामी शैक्षिक गुणस्तरकाे सुधार र ब्यवाहरिक शिक्षामा जाेड दिनुपर्छ भन्ने याेजनाका साथ अगाडि बढेका छाैं।

शिक्षाकाे नतिजा अन्य क्षेत्रकाे भन्दा ढिलाे आउने बताउदै नगरवासिकाे गुणस्तरिय शिक्षाकाे चाहना पूरा गर्न नगरपालिका लागि परेकाे समेत नगरप्रमुख खाँणले बताउनुभयाे।

कार्यक्रममा वडा नम्बर ९ का वडाअध्यक्ष शेरबहादुर श्रेष्ठ(अमृत) लक्ष्मि माविकी प्रअ सीता गाैडेल, पूर्णामृतभवानी माविका शिक्षक हरिप्रसाद पंगेनी लगायतले बाेल्नुभएकाे थियाे।

विद्यालयका प्रिन्सिपल यामप्रसाद डुम्रे(अमृतले)विद्यालयकाे शैक्षिक गिविधि लगायतका विषयहरु प्रस्तुत गर्नुभएकाे थियाे।

विद्यार्थीले निर्माण गरेका विभिन्न प्रकारका सामग्रीहरु प्रदर्शनमा राखिएकाे थियाे भने उत्कृष्ठ शिक्षक शिक्षिकालाई सम्मान गर्नुका साथै विद्यार्थीलाई पुरस्कार वितरण गरिएकाे थियाे।

कार्यक्रममा विभिन्न किसिमकाे नृत्य संगै भजनकृतन सहित विद्यार्थीहरुले आफ्नाे कला प्रस्तुत गरेका थिए।