वालिङ,११ माघ– नेकपा एमालेका स्थायीकमिटी सदस्य एवं निवर्तमान गण्डकी प्रदेशका मुख्यमन्त्री खगराज अधिकारीले नेकपा एमालेको अन्तिम लक्ष्य समाजवाद हुदै साम्यवाद भएको बताउनुभएको छ ।
नेकपा एमाले वालिङ नगर कमिटीले धार्मीक पर्यटकीय स्थल गह्रौसुरमा आयोजना गरिएको अर्धवार्षिक समिक्षा तथा प्रशिक्षण कार्यक्रममा बोल्दै नेता अधिकारीले सो कुरा बताउनुभएको हो ।

विभिन्न प्रकारका कार्यनीतिहरुको प्रयोग गर्दै जनताको बहुदलीय जनवादको आलोकमा समृद्ध नेपाल सुखि नेपाली बनाउने कार्यभारको पुरा गर्दै अन्तिम रणनीति भनेको समाजवाद हुदै साम्यवाद रहेको प्रष्ट पार्नुभयो । पार्टीको अन्तिम लक्ष्य प्राप्तिका लागि सबै पार्र्टीका कार्यक्रता एवं नेताहरुलाई सोही अनुसार पार्टी काममा लाग्न समेत आग्रह गर्नुभयो ।

कार्यक्रममा एमाले वालिङ नगर कमिटीका अध्यक्ष शोभाकान्त पौडेलले पार्टीको अर्धवार्षिक गतिविधी एवं पार्टीले तय गरेको विशेष अभियान कार्यक्रमसहितको जानकारी गराउनुभएको थियो ।

अर्धवार्षिक समिक्षासँगै स्थानीय स्तरबाट पार्टीको काम र संगठनलाई सबल बनाउन वडा केन्द्रित पार्टी निर्माणका लागि तीन महिने विशेष अभियान सञ्चालन गर्ने निर्णयसहित कार्यक्रम सम्पन्न गरिएको एमाले नगर कमिटी वालिङले जनाएको छ ।