नारायणप्रसाद कोइराला
वालिङ,१५ पुस– क्षेत्री समाज नेपाल भीरकोटले भवन निर्माण गरेको छ । भीरकोट नगरपालिकामा समाजले भीरकोट नगरपालिका वडा नम्बर १बयरघारीमा बहुउद्देश्यीय भवनको निर्माण गरेको हो ।
समाजको बयरघारी पुलको मुखमा रहेको ८ रोपनी ८ आना ३ पैसा क्षेत्रफल रहेको जग्गामा भवन निर्माण कार्य जारि रहेको क्षत्री समाज नेपाल भीरकोटले जनाएको छ ।
रु ४ करोडको लागत अनुमान गरिएको सो भवन ७ हजार १ सय ६५ बर्गफिट क्षेत्रफलमा निर्माण भैरहेको छ । ३ तलाको संरचनामा समेटिने भवनमा २ वटा सभाहलमा रहनेछ भने एउटा सभाहलमा ६ सय जना अट्ने समाजका अध्यक्ष क्याप्टेन मीन बहादुर केसीले जानकारी दिनुभयो । कृष्ण निर्माण सेवाले निर्माण गरिरहेको यो भवन आर्थिक वर्ष ८२/८३ मा सम्पन्न गर्ने लक्ष्य राखिएको छ ।
क्षत्री समाजको अगुवाइमा निर्माण गरिने भएपनि भवन समुदायका सबै समुदायले प्रयोग गर्न पाउने अध्यक्ष केसीले बताउनुभयो । पर्यटन र सामाजिक एकता प्रवद्र्धनका लागि भवन निर्माण गरिएको उहाँले बताउनुभयो । भवनमा शारीरिक स्फुर्तिका लागि योगा, जिम, बास्केटबल कोर्टको सुविधा हुनेछ । यसैगरी धार्मिक, सांस्कृतिक , सामाजिक, राजनीतिक कार्यक्रम संचालनका लागि सभाहल, मन्दिर, हवनकुण्डको सुविधा समेत रहने बताइएको छ ।

अध्यक्ष केसीका अनुसार बहुउद्देश्यीय भवनमा एउटा संग्राहलय समेत स्थापना गरिनेछ । संग्रहालयमा भीरकोट नगरपालिकामा बसोबास गर्ने सबै जातजातिको पहिचान र मौलिकता झल्कने गरी धार्मिक र सांस्कृतिक वस्तुहरू राखिने छ भने भीरकट घुमन आउने पाहुनाहरूलाई आवासीय सुविधा समेत प्रदान गरिने लक्ष्य राखिएको छ । भवनलाई पर्यटक सूचना केन्द्र एवं गेस्ट रिसिभङ स्टेसनको रूपमा प्रयोग गरिनेछ । यहाँबाट खिलुङ, स्वरेक, ओकादी, केघा जस्ता पर्यटकीय स्थानमा जान सहज हुन्छ ।

सामाजिक एकता पर्यटन प्रबद्र्धनका लागि निर्माण भैरहेको भवन निर्माणका लागि भीरकोट नगरपालिकाल रु १० लाख र राष्ट्रिय पर्यटन बोर्डले रु २० लाख आर्थिक सहयोग गरेको कस्तरी समाज भीरकोटका सचिव लेखबहादुर केसी (किरण) ले जानकारी दिनुभयो । उहाँका अनुसार क्षत्री समाजका सदस्य र शुभेच्छुक सरकारी निकाय र दाताहरू बाट गरि करिब रु १ करोड रकम उठिसकेको छ । भवन निर्माणका लागि अझै ३ करोड अपुग रहेकोले समाजले शुभेच्छुक संघसंस्था र व्यक्तिहरूलाई सहयोगका लागि आग्रह गरेको छ ।