वालिङ,२६ मङ्सिर-नेपाल पत्रकार महासंघ स्याङ्जाको १४ औं वार्षिक साधारणसभा मंगलबार सम्पन्न भएको छ । महासंघको १४ औं वार्षिक साधारसभा एवं छैठौं अधिवेशन मंगलबारदेखि जिल्ला सदरमुकाममा सुरु भएको छ । साधारणसभा सम्पन्न भएपनि नेतृत्व छनौटका काम भने आजदेखि सुरु हुनेभएको छ । निर्वाचन समितिका अनुसार आज दिउसो १२ बजेदेखि उमेदवारी मनोनयनको कार्यतालिका रहेको छ । प्रेस चौतारी नेपाल र प्रेस युनियन विच भएको सहमति अनुसार उमेदवारी टुङ्ग्याउने प्रयास संगठनहरु बिचमा भइरहेको छ ।
साधारणसधाको उद्घाटन समारोहमा बोल्दै संघीय सांसद राजु थापाले राजनीति र पत्रकारिता समाज परिवर्तनका लागि गरिने सेवा भएको बताउदै श्रमजीवी पत्रकारहरुलाई राज्यले संरक्षण गर्नुपर्ने बताउनुभएको छ ।
सांसद थापाले पत्रकारहरुले न्यायका पक्षमा र भ्रष्ट्राचारका विरुद्ध कलम चलाउन पर्नेमा समेत जोड दिनुभयो । कार्यक्रममा गण्डकी प्रदेशका पुर्व मन्त्री एवं प्रदेश सभासदस्य पञ्चराम गुरुङ, प्रदेश सभासदस्य कल्पना तिवारी लगायतले बोल्नुभएको थियो ।