वालिङ,१७ वैशाख- चक्कु प्रहार गरि हत्या गरेकाे आराेपमा प्रहरीले एक युवकलाई पक्राउ गरेकाे छ। 

वालिङ नगरपालिका वडा नम्बर १३ बायाँटारीमा मुक्ति सारुकाे घरमा डेरा गरि बस्दै आएका दाङ जिल्ला राप्ती गाउँपालिका वडा नम्बर ३ स्थायी घर भएका ३५ वर्षीय निम बहादुर घर्ती मगरले साेही पालिका स्थायी घर भइ एउटै घरमा डेरा गरि बस्ने २० वर्षिय आयुष चाैधरीलाई आइतबार राति चक्कु प्रहार गरि घाईते बनाएकाे र घाईते चाैधरीलाई राति नै  उपचारकाे लागि गह्राै प्राथमिक अस्पताल वालिङ लगिएकाेमा चिकित्सकले मृत घाेषणा गरेकाे प्रहरीले जनाएकाे छ। 

चक्कु प्रहार गर्ने निम बहादुर घर्ती वडा प्रहरी कार्यालय वालिङकाे नियन्त्रणमा रहेकाे र घटना बारे आवश्य अनुषन्धान प्रकृया अगाडि बढाइएकाे जिल्ला प्रहरी कार्यालय स्याङ्जाका प्रहरी नायव उपरीक्षक ईन्द्रबहादुर रानाले जानकारी दिनुभयाे।