ग्रामिण स्वावलम्बनका शेयर सदस्यलाई सहकारी शिक्षा


श्रीकृष्ण सिग्देल
वालिङ,८ फागुन-स्याङ्जाको अर्जुनचौपारी गाउँपालिकामा रहेको एक सहकारीले आफ्ना शेयर सदस्यलाई वित्तिय साक्षरता र सहकारी शिक्षा प्रदान गरिरहेको छ । गाउँपालिकाकै अब्बल र ठुलो ग्रामिण स्वावलम्बन साना किसान कृषि सहकारीले अन्तर समुहलाई सहकारी शिक्षा प्रदान गरेको हो । पछिल्लो समय सहकारीहरु समस्यामा परेका बेला आफ्ना शेयर सदस्यहरुलाई आफ्नो सहकारीको अवस्था सगै वित्तिय साक्षरता र सहकारी शिक्षा कार्यक्रम अगाडी सारेको सहकारीका प्रवन्धक शालिकग्राम काफ्लेले जानकारी दिनुभयो ।
सहकारीको आर्थिक बर्ष २०८०/०८१ को नीति तथा कार्यक्रम अनुसार अन्तर समुहलाई पशु बिमा, समाजिक सामुदायीक कार्यक्रम र सहकारीका समस्याका बारेमा प्रशिक्षण दिइरहेको प्रवन्धक काफ्लेले बताउनुभयो । उहाँका अनुसार पहिलो आग्रीखर्क, दोस्रो रापाकोट र तेस्रो चरणको केवरेमा सम्पन्न भइसकेको छ । यो कार्यक्रम गाउँपालिकाका सबै वडाहरुमा सम्पन्न गर्ने काफ्लेले बताउनुभयो । आफ्ना शेयर सदस्यलाई आयआर्जनको बाटोमा लैजान र सहकारीलाई बलियो बनाउन यो कार्यक्रम सफल हुने विश्वास लिइएको काफ्लेको भनाई छ ।
झण्डै ३२ सय शेयर सदस्य रहेको सहकारीमा शेयर पुँजी १ करोड ८० लाख रहेको छ । सहकारीमा १३ करोड बचत तथा जगेडा कोषमा ५ करोड रहेको प्रवन्धक काफ्लेले बताउनुभयो । ३२ करोड रकम सहकारीले कृषि, उद्यमी, व्यवसायी, शिक्षा लगायतमा लगानी गरेको जनाएको छ । सहकारीले प्रदान गरेको सहकारी शिक्षामा शेयर सदस्यको सहभागिता अत्यन्तै उत्साहजनक रहेको सहकारीका अध्यक्ष बोधराज रेग्मीले बताउनुभयो । सहकारीप्रति शेयर सदस्यको विश्वास बढ्दो रहेकाले नै सहकारीमा खराब कर्जा नरहेको दावी अध्यक्ष रेग्मीको छ ।
यो सहकारीले अर्जुनचौपारी गाउँपालिकाका शेयर सदस्य तथा गैह्र शेयर सदस्यलाई आवश्यकता अनुसारको कृषि उपज, कृषि सामाग्री र पशुपंक्षीका लागि सामाग्रीहरु अनुदानमा वितरण गर्दै आएको बताइएको छ । पशु विमा मार्फत आफ्ना शेयर सदस्यको पशुहरुको सुरक्षण कार्यक्रम समेत प्रभावकारी र आकर्षण रहेको सहकारीले जनाएको छ । सहकारीले दिने सेवा सुविधाकै कारण सहकारी प्रति शेयर सदस्यको विश्वास जितेको अध्यक्ष रेग्मीले बताउनुभयो.।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal