वालिङ,२५ माघ- आठौँ वालिङ महोत्सवमा हरेक दिन विभिन्न प्रतियोगिताहरु हुने गरेकाछन् । बालप्रतिभा प्रष्फुटनका लागि स्याङ्जा डान्स आईडल, विद्यालय स्तरीय नृत्य देखि धार्मिक तथा सांस्कृतिक परम्परासंग जोडिएको भजन चुड्का प्रतियोगिता र रत्यौली प्रतियोगिता दैनिक रुपमा प्रस्तुत हुदै आएकाछन् ।
भजन प्रतियोगिता भने वालिङ महोत्सवमा पहिलो पटक प्रस्तुत गरिएको हो । यो प्रतियोगिताले दर्शकको मन भने निकै तानेको छ । कलाकारहरुले भजनको प्रसंग अनुसार प्रस्तुत गरिएको अभिनयले महोत्सवको माहोल नै छुट्टै रोमाञ्चित बनाएको थियो ।

जुनेली भजनकृतन समुह वालिङ १४ र भीरकोट ९ कालिकाकोले प्रस्तुत गरेको भजन प्रतियोगिताको दर्शकहरुले निकै उत्साह र रुचिका साथ हेरिरहेका थिए । भने अन्य प्रतियोगि समुहहरुले पनि आफ्ना प्रस्तुति प्रस्तुत गरेका थिए । महोत्सवको आर्कषणको रुपमा रहेका कलाकारहरुसंगै यस्ता धार्मिक तथा सांस्कृतिक प्रतियोगिताहरुले दर्शकको ध्यान तानेकाछन् ।
बिहीबार जुनेली भजनकृतन समुहले नाटकीय शैलीमा आफ्ना भजन प्रस्तुत गर्दा धेरै दर्शक मञ्चमा केन्द्रित भए । भीरकोट ९ र वालिङ १४ का विभिन्न व्यक्तिहरुको समुह जुनेली भनजकृतन समुहले प्रस्तुत गरेको हनुमान लिलाले धेरै दर्शकलाई मञ्चतर्फ केन्द्रित गर्न सफल भयो ।

जुनेली भजन समुहले विद्यालयमा समेत यस्ता विषयवस्तुलाई पाठ्यक्रममा नै समेटेर विद्यार्थीलाई भजनकृतनको ज्ञान समेत प्रदान गरेको समुहका प्रमुख रोमाकान्त न्यौपानेले बताउनुभयो । हनुमान नाँच रामायणको सुन्दर काण्डको कथावस्तुमा आधारित रहेको बताउदै यो नाँचले आम मानिसलाई उत्प्रेरणा प्रदान गर्ने पिपलडाँडा माविका प्रधानाध्यापक समेत रहनुभएका न्यौपानेले बताउनुभयो । राम,लक्ष्मण,सिता,हनुमान, रामणको पात्रहरु समेत सहभागि बनाईएको हनुमान लिला प्रस्तुत गरिएको थियो ।

महोत्सवमा मौलिक परम्परालाई प्रर्दशन गर्दै जर्गेणा गर्ने उद्देश्यले हनुमान नाँच प्रस्तुत गरिएको न्यौपानेले बताउनुभयो ।
नाटकीय शैलीको भजन गितमा सिताको अपहरणदेखि हनुमानले खोेजेर ल्याइएको सम्मका दृश्यहरु समेत कार्यक्रममा प्रस्तुत गरिएको थियो । महोत्सवमा आयोजना गरिएका यस्ता विभिन्न प्रतियोगिताले सांस्कृतिक र धार्मिक परम्परालाई जागाई राख्ने तथा नयाँ पुस्तालाई जानकारी गराउन समेत मद्धत पुग्ने महोत्सव सांस्कृति उपसमितिका संयोजक तथा वालिङ उद्योग वाणिज्य संघका उपाध्यक्ष खगेन्द्रप्रसाद अर्यालले बताउनुभयो ।