वालिङ महोत्सवमा दर्शकको दैनिक उत्साहजनक उपस्थिति


वालिङ,२५ माघ- वालिङ खेलमैदानमा जारी आठौं वालिङ महोत्सव २०८० मा दर्शकहरुको दैनिक उत्साहजनक उपस्थिति रहेको छ । यही माघ १८ देखि सञ्चालन भएको महोत्सवमा आज बिहिबार आठौं दिनसम्म सुरुका दिनदेखि नै दर्शकहरुको दैनिकरुपमा उत्साहजनक उपस्थिति रहेको हो ।
यही २८ गतेसम्म सञ्चालन हुने महोत्सवको आजसम्म आइपुग्दा आठौंदिन पार गरिसकेको छ । महोत्सवमा दैनिकरुपमा दर्शकहरुको भीड लागिरको छ । स्याङ्जा डान्स आइडल सिजन थ्री, लोक भजनगीत, रत्यौलीगीत तथा विद्यालय स्तरीय नृत्यलगायतका प्रतियोगितात्मक कार्यक्रमहरुको साथमा राष्ट्रिय कलाकारहरुको दैनिक प्रस्तुति महोत्सवका आकर्षणहरु रहेका छन् । राष्ट्रिय कलाकारहरुकासाथै स्थानीय प्रतिभाका दैनिक रोचक प्रस्तुति हुने भएपछि आम नागरिकहरुमा पनि सकारात्मक प्रभाव पारेको अनुमान गर्न सकिन्छ ।
यसैबीच आज बिहिबार पनि स्थानीय प्रतियोगितात्मक कार्यक्रमकोसाथमा नियमित कार्यक्रम अनुसार राष्ट्रिय कलाकारहरुका प्रस्तुतिले दर्शकहरुलाई भरपूर मनोरञ्जन प्रदान गरेको उनिहरुको उत्साहले देखाएको छ । हरेक प्रस्तुतिमा दर्शकहरु स्वतः स्फूर्तरुपमा नाच्ने, ताली बजाउने र हुटिङ गर्ने जस्ता उत्साहजनक गतिविधीले महोत्सवलाई थप उर्जा प्रदान गरेको स्पष्ट छ ।
आज राष्ट्रिय कलाकार पूणर्कला विसी र लोक आधुनिक गायक रमेशराज भट्टराईको प्रस्तुतिमा दर्शकहरु निकै रमाएका थिए । यसैगरी चोलेन्द्र पौडेल, गोपाल जिटी, इन्द्रा गुरुङ, सीता परियारकोसाथमा नृत्यकार सृष्टि बिकको प्रस्तुतिले दर्शकदीर्घा थप मनोरञ्जित प्रदान गरेको थियो ।
यस्तै कायृक्रमको अन्तमा स्थानीय लाइभ व्याण्डले युवा दर्शकहरुलाई झुमाएको थियो । स्थानीय लाइभ व्याण्डमा हिपप् वालिङ र द ब्रदर्श भकुण्डेको प्रस्तुति रहेको थियो ।
यसैगरी भोलि २६ गते शुक्रबार स्थानीय प्रतियोगितात्मक कार्यक्रमकासाथै थप आकर्षणमा राष्ट्रिय कलाकारहरु बद्री पङ्गेनी,रामजी पौडेल, तुलसा जिसी, सरस्वती लामिछाने, बालकृष्ण वाग्ले र पप आधुतिक तर्फ एञ्जिला रेग्मीको प्रस्तुति रहने महोत्सवका कलाकार संयोजन उपसमितिका संयोजक पिताम्वर खनाल (शुसिल) ले जानकारी दिनुभयो । देश विदेशमा मन जित्न सफल हास्य कलाकार धुर्मुस सुन्तली एवम् पछिल्लो समयकि चर्चित डान्सर अस्मिता रनपाल र रोशन बिसीको विशेष प्रस्तुति रहने कलाकार संयोजन उपसमितिका संयोजक खनालले बताउनुभयो ।

ताजा

स्याङ्जामा लक्ष्य भन्दा बढी मुद्दा फछ्र्यौट

२०८१ श्रावण ३ गते, बिहीबार

स्याङ्जामा लक्ष्य भन्दा बढी मुद्दा फछ्र्यौट

२०८१ श्रावण ३ गते, बिहीबार

आज हरिशयनी एकादशीः तुलसीको बिरुवा सारिँदै

२०८१ श्रावण २ गते, बुधबार

नवनियुक्त १९ मन्त्रीद्वारा शपथ ग्रहण

२०८१ असार ३१ गते, सोमबार

उपप्रधानमन्त्रीमा सिंह र पौडेलद्वारा शपथग्रहण

२०८१ असार ३१ गते, सोमबार

चेपाङले चिनेको, समाजले नचिनेको चिउरी

२०८१ असार ३१ गते, सोमबार

नवनियुक्त प्रधानमन्त्री ओलीद्वारा शपथ ग्रहण

२०८१ असार ३१ गते, सोमबार

पाेखरीमा डुबेर दुई बालिकाकाे मृत्यु

२०८१ असार ३० गते, आईतवार

एमाले अध्यक्ष ओली प्रधानमन्त्री नियुक्त 

२०८१ असार ३० गते, आईतवार

चुम उपत्यकाको चमक

२०८१ असार २९ गते, शनिबार

आज भानु जयन्ती: भानुगृह पुनःनिर्माणको पर्खाइमा चुँदीरम्घा शिखरकटेरी

२०८१ असार २९ गते, शनिबार

2022 Copyrights Reserved at gandakisamachar.com

Designed & Developed By:Web House Nepal