वालिङ,१६माघ- यही माघ १८ देखि २८ गतेसम्म वालिङ खेलमैदानमा आठौं वालिङ महोत्सव सञ्चालन हुँदैछ । विगतका महोत्सवमा झैं आठौं महोत्सवका लागि वालिङ बजार क्षेत्र धोजा पतकासहित झकिझकाउ भएको छ । महोत्सवको दिन नजिकिदै जाँँदा वालिङ बजार बेहुली झैं सिङ्गारिएको छ । महोत्सव प्रवेशद्वार लगायत बिभिन्न स्थानमा स्वागतगेट निर्माण गरिएकाछन् । यस कासाथै महोत्सव तयारीका धेरै कामहरु भैसकेको आयोजक वालिङ उद्योग वाणिज्य संघका सचिव एवं प्रचारप्रसार समितिका संयोजक पिताम्बर खनाल (सुसिल) ले जानकारी दिनुभयो ।
वालिङ उद्योग वाणिज्य संघद्वारा २०६३ सालदेखि सुरु गरिएको वालिङ महोत्सव प्रत्येक दुइवर्षमा गरिदै २०७५ सम्म सातौं संस्करण सम्पन्न भएको थियो । कोरोना महामारीका कारण यो बीचमा मेला महोत्सव सञ्चालन पनि प्रभावित हुन पुगेको थियो । अहिले आठौं संस्करणको महोत्सव सञ्चालन हुनुभएको हो ।
वालिङ महोत्सवलाई गण्डकी प्रदेशकै सफल र उत्कृष्ट महोत्सवकारुपमा लिइन्छ । यसै अनुसार विगतको निरन्तरतासँगै अहिले आठौं संस्करणको महोत्सव सञ्चालनमा लागिएको आयोजक जनाएको छ ।