वालिङ,१० माघ- नेपाली कांग्रेसका सभापति शेरबहादुर देउवाले वर्तमान संविधानअनुसार एउटै पार्टीको मात्रै बहुमत पुग्ने अवस्था नरहेकाले अन्य दलसँग गठबन्धन गर्नुपरेको बताउनुभएको छ ।नेपाली कांग्रेस स्याङ्जाको प्रथम जिल्ला सम्मेलनलाई स्याङ्जा सदरमुकाममा सम्बोधन गर्दै सभापति देउवाले अहिलेकाे संविधानअनुसार कुनै पनि पार्टीको बहुमत नआउने भएकाले बाध्यताले गठबन्धन गर्नुपरेकाे बताउनुउनुभयाे। संविधानमा समानुपातिक समावेशी प्रणालीको व्यवस्था गरिएकाले एउटा पार्टीले मात्रै बहुमत ल्याउने अवस्था देखिंदैन त्यसैले गठबन्धन गर्नुपर्ने बाध्यता छ, सभापति देउवाकाे भनाइ थियाे।

स्याङ्जा कांग्रेसकाे क्रान्तिकारी इतिहास भएकाे ठाउँ भएकोले पार्टीलाई अझै बलियो बनाउन नेता कार्यकर्तालाई निर्देशन दिनुभयो ।