वालिङ,९ माघ- यही माघ १८ गते देखि २८ गते सम्म वालिङ खेलमैदानमा हुन गहिरहेको आठौँ वालिङ महोत्सवको प्रचारप्रसारलाई तिब्र पारिएको छ । महोत्सव आयोजक वालिङ उद्योग वाणिज्य संघले नगरपालिका भित्र रहेका आमा समुहका साथै विभिन्न संघ संस्थाहरु संग भेटघाट, छल्फल गर्नुका साथै महोत्सवलाई भव्यरुपमा सम्पन्न गर्नका लागि विभिन्न कार्यक्रमहरु गरेको छ ।
वालिङ उद्योग वाणिज्य संघका सचिव एवं महोत्सव प्रचारप्रसार समितिका संयोजक पिताम्बर खनाल(सुसिलले) महोत्सवको प्रचारप्रसारका लागि प्रचारप्रसार उपसमिति गठन गरेर काम गरिरहेको जानकारी दिनुभयो ।
विभिन्न ठाउँमा व्यानरका साथै प्रचार सामग्रीहरु राखेर प्रचारप्रसार गर्ने कार्य भइरहेको आयोजक वालिङ उद्योग वाणिज्य संघले जनाएको छ ।

महोत्सवमा कृषि जन्य वस्तुहरुको प्रदर्शनीका लागि निशुल्क स्टल उपलब्ध गराउनुका साथै स्थानिय उत्पादनलाई प्रवद्धन गर्न सहयोग पर्याउने आयोजकको भनाइ रहेको छ ।