वालिङ,२२ भदौ- वालिङ समाज युएईले तिज विशेष कार्यक्रम गर्ने भएको छ । वैदेशिक रोजगारीको शिल्शिलामा युएईमा गएका स्याङ्जाको वालिङ नगरपालिका भित्र स्थायी बसोबास गर्नेहरुको साझा संस्था वालिङ समाज युएईले महिलाहरुको विशेष पर्व हरितालिका तिजको अवसर पारेर युएईमा तिज विशेष कार्यक्रमको आयोजना गरेको हो ।
यहि सेप्टेम्बर १० तारिकका दिन युएईमा ओजना गरिएको तिज विशेष कार्यक्रमको लागि कलाकारहरु युएई पुगिसकेको वालिङ समाज युएईले जनाएको छ ।

विदेशमा रहेर पनि नेपालको कला संस्कृतिको संरक्षणको लागि कार्यक्रमको आयोजना गरिएको रोजगारीको शिल्शिलामा युएईमा रहनुभएका युवराज तिवारीले जानकारी दिनुभयो ।
कार्यक्रममा वालिङ नगरपालिका भित्र स्थायी घर भएर सांगितिक क्षेत्रमा राष्ट्रिय स्तरमै आफ्नो पहिचान बनाउन सफल लोक गायक प्रकाश पराजुली, चेतन गोतामे र राशी रिजालको प्रस्तुती रहने जनार्दन पराजुलीले बताउनुभयो ।
वालिङ समाज युएईले सो कार्यक्रममा सहभागि हुन युएईमा रहनुभएका जिल्ला बासी एवं सम्पूणर्लाई आग्रह गरेको छ ।