वालिङ,२२ भदौ- करेन्ट लागेर एक युवकको मृत्युभएको छ । वालिङ नगरपालिका ६ आमडाली बस्ने ३६ वर्षिय यम बहादुर थापाको माछा मार्ने क्रममा करेन्ट लागेर मृत्यु भएको छ ।
रसखोलामा करेन्ट लगाएर माछा मार्ने क्रममा करेन्ट लागेर थापाको मृत्यु भएको जिल्ला प्रहरी कार्यालय स्याङ्जाले जनाएको छ ।
गए राति २ः१० बजेको समयमा करेन्ट लागेर मृत अवस्थामा रहेको भन्ने खबर पाएपछि घटना स्थलमा पुगेको प्रहरीले जनाएको छ ।

प्रहरीले माछा मार्न गएका स्याङ्जा वालिङ ६ थापाडाँडा बस्ने ३६ वर्षिय तिल बहादुर थापा क्षेत्री, पाल्पा रामपुर १० का ३७ वर्षिय दिपेन्द्र अधिकारी,पर्वत पैयु गाउँपालिका घर भई हाल स्याङ्जा वालिङ ६ स्थित तारादेवी ब्लक उद्योगमा काम गर्ने २० वर्षिय अनिल चौधरी,कन्चनपुर बेलौरी नगरपालिका ६ घर भई ब्लक उद्योगमा काम गर्ने ६० वर्षिय बलदेव रानालाई माछा मार्न प्रयोग हुने तार, रड र बांसको भाटा सहित नियन्त्रणमा लिएर अनुसन्धान प्रकिया अगाडी बढाएको जिल्ला प्रहरी कार्यालय स्याङ्जाका प्रहरी निरीक्षक पावल सिंह लामाले जानकारी दिनुभयो ।