पोखरा,२९ साउन- नेकपा एमाले गण्डकी प्रदेश कमिटीले केहि दिनदेखि लगातार परेको वर्षाको कारण गण्डकी प्रदेश लगायत देशका विभिन्न ठाउँमा जनजीवन प्रभावित भएको भन्दै तत्काल राहत र उदारका काम खटिन आफ्नो पार्टीको विभिन्न तहका कमिटी र जन वर्गीय संगठन र सरोकारवाला सरकारी निकायहरूलाई अपिल गरेको छ ।
सोमबार प्रदेश कमिटीको तर्फबाट एक अपिल जारी गर्दै एमालेले भारी वर्षा पश्चात आएको बाढीले गर्दा मुस्ताङ्गको कागवेनी क्षेत्रका दर्जनौं घरहरु क्षतिग्रस्त भएकाछन् भने करोडौंको भौतिक सम्पत्ति समेत नष्ट भएको छ । बाढी तथा पहिरोले होटल, बैंक, नीजि घरहरु भत्काउनुका साथै कयौं सवारी साधनहरु बगाएको छ भने लोमान्थाङ्ग जाने कंक्रिट पुल पूणर्रुपले क्षतिग्रस्त हुन पुगेको छ । त्यसैगरी वेनी जोमसोम सडक खण्ड पूणर् रुपले अबरुद्ध हुन पुगेको छ, भने म्याग्दीको वैसरी तथा वेनी दर्वाङ्ग खण्डको फापरखेतमा पहिरो गएर सडक अवरुद्ध हुन पुगेको छ । गोरखामा मदन-आश्रित स्मृति प्रतिष्ठानको भवन रहेको स्थानको माथिल्लो माग पूणर्रुपमा क्षतिग्रस्त हुन पुगेको छ । लमजुङ्गमा मध्यपहाडी लोकमार्गका विभिन्न ठाउँमा गएको पहिरोका कारण आवगमन प्रभावित भएको छ । वेसीशहरबाट मनाङ्ग जाने सडक खरखरे पहिरोका कारण जोखिममा परेको छ । जानकारीमा आएको भन्दै विज्ञप्तिमा उद्धार कार्यमा कुनै कसुर बाकी नराख्न आग्रह गरेको छ ।
एमाले गण्डकी प्रदेश उप सचिव तथा प्रचार, प्रकाशन बिभाग प्रमुख रश्मि आचार्यद्वारा हस्ताक्षरीत अपिलमा मनाङ्गको ताल गाउँ संरक्षणको लागि मस्र्याङ्दी नदीमा लगाएको प्लम्बीङ्गबाल भत्किएको छ । गण्डकी प्रदेश र देशभर बाढी पहिरोले पुर्‍याएको क्षति प्रति नेकपा एमाले गण्डकी प्रदेश कमिटी दुःख व्यक्त गर्दछ भनिएको छ । यस विपतको घडीमा राहत तथा उद्धारमा जुट्न स्थानीय सरकार, स्थानीय प्रशासन, नागरिक समाज, पार्टी पंक्ति र आम जनसमुदाय सक्षम पार्टी हार्दिक अपील गर्दछ । बाढी पहिरोका कारण क्षति ग्रस्त भएका सबै स्थानहरुको विवरण शिघ्र संकलन गर्न तथा क्षति पुगेका स्थानहरुमा राहतको घोषणा गर्न नेपाल सरकार र गण्डकी प्रदेश सरकार समक्ष नेकपा एमाले गण्डकी प्रदेश जोडदार माग समेत गरेको छ ।