स्याङ्जा(वालिङ),१५असार-गैरआवासीय नेपाली संघ (एनआरएनए) राष्ट्रिय समन्वय परिषद् (एनसीसी) अमेरिकाको आगामी कार्यकालका २०२३-२५ लागि अध्यक्ष पदको उम्मेदवारी दर्ता गरेर चुनावी अभियानमा लाग्नु भएका डिलु राम पराजुलीले आफ्नो चुनावी अभियानको प्रचारप्रसारलाई तिब्र पार्नुभएको छ ।

अमेरिकाको केन्टकीमा बस्दै आउनुभएका पराजुली एनआरएनए अमेरिकाको उपाध्यक्ष समेत हुनुहुन्छ ।
अध्यक्ष पदका लागि उम्मेदवारी दर्ता गराएसँगै पराजुली अमेरिकाको विभिन्न राज्यहरुमा पुगेर आफ्नो चुनावी अभियानका साथै भेटघाटलाई तिब्रपार्नुभएको हो । स्पस्टरुपमा आफ्ना कुरा राख्ने पराजुली अमेरिकामा बस्दै आएका नेपालीहरुको हितका लागि आफुले अध्यक्षको उम्मेदवारी दिएर चुनावी अभियानमा लागेको बताउनुभयो ।

एनआरएनए अमेरिका निर्वाचन आयोगले जुलाई १७ र १८ गतेको दिनलाई मतदानको दिन तोकेको छ । सो दिनमा गैरआवासीय नेपालीहरुको हितका पक्षमा काम गर्न आफ्नो पक्षमा मतदान गर्न समेत अध्यक्ष पदका उमेदवार पराजुलीले सम्पूणर् गैरआवासीय नेपाली संघमा आवद्ध हुनुभएका मतदाताहरुलाई आवहान गर्नुभएको छ ।
अमेरिकाम रहेका सबै नेपालीहरुको आम चासो र सरोकारलाई सम्बोधन गर्नुका साथै संस्थालाई व्यवस्थित गराउदै आगडी बढ्नको लागि आफुले उम्मेदवारी दिएको पराजुलीको भनाइ छ ।

जन्म भूमी नेपालबाट कर्म भूमी अमेरिका आएका पहिलो पुस्ता र अमेरिकामै जन्मीएर हुर्कदै गरेको दोस्रो पुस्ता बिच नेपाली भाषा संस्कृति र संस्कारको बुझाईमा केही समस्या देखिएकोले त्यसको समाधानका साथै विदेशमा आफुलाई विभिन्न विधामा स्थापित बनाउने र नेपालको हितमा काम गर्ने परिवेश निर्माणका लागि परिपक्क जग तयार पार्न आफुले उम्मेदवारी दिएको पराजुलीले बताउनुभयो । अमेरिकामा रहेका नेपालीहरुको विवरण संकलन गरि त्यसलाई एकीकृत डिजिटल सिस्टममा राख्नुका साथै दोहोरो नागरिकताको निरन्तरताको लागि अझै संगठित भएर अगाडी बढ्नुपर्ने र तत्कालका लागि गैरआवासीय नेपाली नागरिकताको नियमावली बन्दै गर्दा अधिकतम अधिकार र सहजरुपमा प्राप्तिका लागि गर्नुपर्ने भएकोले आफुले उम्मेदवारी दिएको गैर आवासीय नेपाली संघ राष्ट्रिय समन्वय परिषद् (एनसीसी) अमेरिकाका अध्यक्ष पदका उम्मेदवार पराजुलीको भनाइ रहेको छ ।

स्याङ्जाको वालिङ नगरपालिका वडा नम्बर १२ साविक सिर्सेकोट गाविस ९ धनमुडामा जन्मनुभएका डिलु राम पराजुली हाल अमेरिकामा बस्दै आउनुभएको छ । अमेरिकामा रहेर विभिन्न सामाजिक संघ सस्थामा सक्रिय रहदै आउनुभएका पराजुलीले आगामी जुलाई १७ र १८ मा हुने गैरआवासीय नेपाली संघको निर्वाचनमा आफ्नो पक्षमा मतदान गरेर सहयोग गर्न एनआरएनएमा आवद्ध सबैमा आग्रह गर्नुभएको छ ।