जुम्ला,२० चैत- (एमाले) ले सञ्चालन गरेको मिसन ग्रासरुट अभियान अन्तर्गत आज जुम्लाको सिंजा गाउँपालिका-३, नराकोटमा कार्यकर्ता भेला तथा सभा सम्पन्न भएको छ ।

सभालाई नेकपा (एमाले) का सचिव तथा मिसनका कर्णाली प्रदेश संयोजक योगेश भट्टराईले सम्बोधन गर्दै मुलुकको रुपान्तरणका लागि एमालेले बहुमत प्राप्त गरी सरकार बनाउनुपर्नेमा जोड दिनुभयो ।

कांग्रेस-माओवादीको अप्राकृतिक गठबन्धन धेरै दिन नटिक्ने भएकाले एमालेका कार्यकर्ता आफ्नो संगठन बलियो बनाउन लाग्नुपर्ने बताउनुभयो ।

सभालाई स्थायी कमिटी सदस्य तथा कर्णाली प्रदेश सहइन्चार्ज गोरखबहादुर बोगटी, केन्द्रीय कमिटी सदस्यहरू विष्णु रिजाल, दल रावल, नगेन्द्र शाही (नेशनल), केन्द्रीय प्रतिनिधि गेहेन्द्र दाहाल र जुम्ला जिल्ला अध्यक्ष शान्तिलाल महत लगायतले बोल्नुभएको थियो ।