वालिङ,१४ चैत- पाल्पाको रामपुर नगरपालिकाले महिलाहरुका लागि चप्पल बनाउने तालीम प्रदान गरेको छ । महिलाहरुलाई सिप सिकेर उद्यमी बनाउने उद्देश्यले तालीम प्रदान गरेको हो ।

गरिबी निवारणका लागि लघु उद्यम विकास कार्यक्रम अन्तर्गत नगरपालिकाले वडा नम्बर ९ मा ६ दिने चप्पल बनाउने तालीम सञ्चालन गरेको हो । मंगलबार तालीमको समापन गर्दै नगरपालिकाका प्रमुख प्रशासकीय अधिकृत लेखनाथ न्यौपानले उद्यम सिकेर व्यवसाय सञ्चालन गर्न सके आत्मनिर्भर संगै आर्थिक समृद्धि हुने बताउनु भयो ।

प्रमुख प्रशासकीय अधिकृत लेखनाथ न्यौपानले तालीमबाट प्राप्त ज्ञान र सिपको उच्चतम प्रयोग गरी व्यावसायी बन्न आग्रह गर्नुभयो । उद्यमी बनी चप्पल उत्पादनमा लाग्न आग्रह गर्दै उहाँले बजारीकरण र प्रचार प्रसारमा नगरपालिकाले सहयोग गर्ने बताउनुभयो ।
रामपुर ९ जब्गादीमा सञ्चालित तालीममा १९ जना महिलाहरुको सहभागिता रहेको थियो ।