गल्याङ,११ फागुन– गल्याङ नगरपालिकाका नगरप्रमुख गुरुप्रसाद भट्टराईले शिक्षा र स्वास्थ्य नगरपालिकाको पहिलो प्राथमिकतामा रहेको बताउनुभएको छ ।

गल्याङ ४ कुरुङ्चेमा रहेको कालिका माध्यमिक विद्यालयको ६२ औं वार्षिकोत्सव एवं अभिभावक दिवस समारोहमा बोल्दै नगरप्रमुख भट्टराईले सो कुरा बताउनुभएको हो । नागरिकको सबै भन्दा महत्वपूर्ण पक्ष भनेको शिक्षाको चेतना र स्वास्थ्य भएको बताउदै नगरपालिकाले शिक्षा र स्वास्थ्यलाई पहिलो प्राथमिकतामा राखेर अगाडि बढेको नगरप्रमुख प्रसाद भट्टराईको भनाइ रहेको थियो ।
नगरप्रमुख भट्टराईले भन्नुभयो, “नगरपालिका भित्र आर्थिक अभावका कारण कोही पनि बालबालिका शिक्षाको अबसरबाट वञ्चित हुन नपरोस् भनेर नरपालिकाले विपन्न बालबालिका पढाउने अभियानको थालनी गरेको छ ।”
शिक्षित व्यक्ति र स्वास्थ्य व्यक्तिले नगरको चौतफी विकास निर्माण गर्न सक्ने बताउदै अभिभावकले बेलैमा आफ्ना बालबालिकाका बारेमा चासो दिएर सहि मार्गमा हिडाउन तर्फ ध्यान दिनुपर्ने बताउनुभयो ।