वालिङ,१६ मङ्सिर– स्याङ्जा क्षेत्र नम्बर २ बाट प्रतिनिधि सभा सदस्यको उम्मेदवार बन्नुभएकी नेकपा एमालेकी सचिव पद्मा अर्यालले कालीगण्डकी गाउँपालिकाको वडा नम्बर १ देखि ६ सम्मको मतगणना हुदा मतान्तर निरन्तर रुपमा घटदै गएको छ ।

नेपाली कांग्रेसका उपसभापति धनराज गुरुङले अग्रता लिइरहेका बेला भीरकोट नगरपालिका र वालिङ नगरपालिकाको मतगणना सकिदा सम्म मतान्तर बढाउदै लगेकोमा कालीगण्डकी गाउँपालिकाको मतगणना सुरु भए संगै यस अघि भएको गुरुङ र अर्याल बिचको मतान्तर निरन्तर रुपमा घटाउदै गएको छ ।

कालीगणडकी गाउँपालिकाको मतगणना हुनुभन्दा पहिले धनराज गुरुङले १२ हजार ९ सय ५१ र पद्मा अर्यालले १० हजार ६ सय २७ मत प्राप्त गर्नुभएको थियो भने गुरुङले २ हजार ३ सय २४ ले अग्रता लिनुभएको थियो । कालीगण्डकी गाउँपालिकाको वडा नम्बर १ देखि ६ सम्मको मतगणना सकिदा गुरुङले १६ हजार ७ सय ३६ मत प्राप्त गर्नुभएको छ भने अर्यालले १५ हजार १ सय ६४ मत प्राप्त गर्नुभएको छ । भने मतान्तर घटेर १ हजार ५ सय ७२ मा झरेको छ ।