स्याङ्जा,२४ भदाै- पुतलीबजार नगरपालिका र संयुक्त राष्ट्र संघीय विकास कार्यक्रम युएनडिपीको आर्थिक तथा प्राविधिक सहयोग र सुर्योदय क्लबको व्यवस्थापनमा संचालित “हरित पुनरुत्थान तथा कोभिड-१९ प्रतिकार्य पहल ” कार्यक्रम अन्तर्गत उद्यमशीलता तथा नव प्रवर्तन कोषको नविन सोच प्रतियोगिता सम्पन्न भएकाे छ । नयाँ साेच भएका, ब्यवसाय प्रबर्दन गर्न सहयाेग हुने नया साेचहरू विच प्रतियोगिता गराई व्यवसाय तथा उद्यम शुरू गराउन उत्कृष्ट तथा नवीन साेनविनलाई पुरस्कृत गर्ने याेजनाका साथ याे कार्यक्रम गरिएकाे हाे ।
सहभागीहरुले शितल चिनिको खेती बाख्राको लागि स्लाइस , आर्गनिक जाम, स्प्रिलुना, आर्गनिक मल, सिलाई ,कढाइ , तथा बाख्रा पालन ड्रागन फ्रुट खेति, बायाफ्लगबिधिमा माछा पालन वजारीकरण लगायतका विषयहरूमा २० जना सहभागीहरूले प्रस्तुति गरेका थिए ।
उत्कृष्ट १० नवीन साेचहरूलाई रू ५० हजार रकम स्टार्ट अपका लागि प्रदान गरिने नगरपालिकाका प्रमुख प्रशासकिय अधिकृत एवं निर्णायक समितिका संयाेजक गणेश अर्यालले बताउनु भयाे ।
प्रस्तुतिकरण कार्यक्रमकाे भर्चुअल रूपमा अवलाेकन यूएनडिपिका गण्डकी तथा लुम्बिनी प्रदेशका प्रमुख सुदिप अर्यालले गर्नु भएकाे थियाे । पुरस्कृत उद्यमीहरूलाई अन्य परामर्श, आवश्यक कर्जा, बजारीकरणका लागि पनि सहयाेग गरिने क्लवका सचिव एक बहादुर गाेदार (रमेश) ले जानकारी दिनु भयाे ।
नगर प्रमुख तुलसीराम रेग्मीले पुतलीबजारलाई उद्यमीकाे नगर बनाउन आवश्यक सहयाेग गर्ने बताउनु भयाे ।