वालिङ,१० जेठ– अनेरास्ववियु स्याङ्जाले मुल्य विद्धिको विरोधमा सडकमा प्रर्दशन गरेको छ । पेट्रोलियम पदार्थ, ग्याँसलगायतका दैनिक उपभोग्य वस्तुमा अत्याधिक मुल्य वृद्धि भएको भन्दै अनेरास्ववियु सडकमा उत्रिएको हो । मुल्य वृद्धि फिर्ता गर, घाटा नाफा जान्दैनौँ, मुल्य वृद्धि मान्दैनौँलगायतका प्लेकार्डसहित विद्यार्थीहरुले सडकमा प्रर्दशन गरेका हुन । विद्यार्थीहरुले सडकमै दाउरामा खाना पकाएर मुल्य वृद्धिको विरोध गरेका थिए ।

परमादेशको सरकारले दैनिक जीवन नै कष्टकर बनाउने गरी मुल्य वृद्धि गरेको भन्दै यसका विरुद्ध देशभरका ७७ वटै जिल्लामा अनेरास्ववियुले विरोध प्रर्दशन गरेको अनेरास्ववियुका अध्यक्ष सगुन रानाले बताउनुभयो । पटक पटक गरिएको मुल्य वृद्धिले नागरिकलाई दैनिक चुल्हो बाल्न समेत समस्या भएको भन्दै तत्काल मुल्य वृद्धि फिर्ता लिइर जनजीवन सहज बनाउनुपर्ने रानाले बताउनुभयो ।

साथै अनेरास्ववियु स्याङजाले प्रमुख जिल्ला अधिकारीमार्फ प्रधानमन्त्रीलाई ध्यानार्कषण पत्र समेत पठाएको छ । जिल्ला अध्यक्ष सगुन रानालगायतको टोलीले निमित्त प्रजिअ नमिता शर्मालाई उक्त ध्यानार्कषण पत्र बुझाएको जनाएको छ ।