वालिङ,६ जेठ– नविल बैंक लिमिटेड वालिङ शाखाले आफ्ना सेवाग्राहीलाई राहत रकम हस्तान्तरण गरेको छ । नविल बैंकका सेवाग्राहीको खातामा न्युनत ३५ हजार रकम भएको अवस्थामा घातक रोग लागेमा र मृत्यु भएको अवस्थामा सेवाग्राहीलाई उपचार खर्चका साथै राहत रकम दिने बैंको नियम अनुसार घातक रोग लागेर मृत्यु भएकी चापाकोट नगरपालिका ३ की कृष्ण कुमारी थापाका श्रीमान श्याम बहादुर थापा (सारु)लाई उपचार खर्च बापतको ३ लाख रुपैया र कृया खर्च स्वरुप ७५ हजार गरी ३ लाख ७५ हजार रुपैया उपलब्ध गराएको नविल बैंक वालिङका शाखा प्रमुख विशाल बरालले जानकारी दिनुभयो ।

नविल बैंकका १६ वर्ष देखि ६५ वर्ष सम्मका सेवाग्राहीहरुलाई खातामा न्युन्तम ३५ हजार रकम रहेको अवस्थामा घातक रोग लागेमा उपचार खर्च बापत रु ३ लाख र मृत्यु भएको अवस्थामा कृया खर्च स्वरुप ७५ हजार रुपैया उपलब्ध गराउदै आएको नविल बैंकले जनाएको छ ।