वालिङ,४ जेठ– वालिङ नगरपालिकाको नगरप्रमुखमा (मेयर) नेकपा एमालेका कृष्ण खाँण भारि मतले विजयी हुनुभएको छ । वैशाख ३० गते भएको स्थानीय तहको निर्वाचनमा नेकपा एमालेले खाँणलाई नगरप्रमुखको उम्मेदवार बनाएको थियो । नेपाली कांग्रेसको तर्फबाट नगरप्रमुखको (मेयर) उम्मेदवार बन्नुभएका निर्वतमान नगरप्रमुख दिलिप प्रताप खाँणलाई पराजीत गर्दै कृष्ण खाँण विजयी हुनुभएको हो । एमालेबाट मेयरमा विजयी हुनुभएका कृष्ण खाँणले १३७७६ मत प्राप्त गर्नुभएको छ भने नेपाली कांग्रेसको तर्फबाट मेयरको उम्मेदवार बन्नुभएका उपविजेता दिलिप प्रताप खाँणले ११५९३ मत प्राप्त गर्नुभएको छ ।

यसै गरी उपप्रमुख (उपमेयर) मा नेपाली कांग्रेसको तर्फबाट उम्मेदवार बन्नुभएकी कविता तिवारी विजयी बन्नुभएको छ । तिवारीले नेकपा एमालेको तर्फबाट उम्मेदवार बन्नुभएकी खगिसरा थापालाई पराजित गरी विजयी बन्नुभएको हो । नेपाली कांग्रेसको तर्फबाट उपमेयरको उम्मेदवार भएकी कविता तिवारीले १२८२२ मत प्राप्त गर्नुभएको छ भने नेकपा एमालेको तर्फबाट उम्मेदवार बन्नुभएकी उपविजेता खगिसरा थापाले १२३४० मत प्राप्त गर्नुभएको छ । १४ ओटा वडा रहेको वालिङ नगरपालिकामा नेकपा एमालेले ८ ओटा वडामा विजयी हासिल गरेको छ भने नेपाली कांग्रेसले ६ ओटा वडामा विजयी भएको छ । नेपाली कांग्रेसले वडा नम्बर १,२,५,१०,११ र १४ मा विजयी भएको छ भने एमालेले वडा नम्बर ३,४,६,७,८,९,१२ र १३ मा विजयी भएको छ ।

यी हुन वालिङ नगरपालिकामा वडा अध्यक्षमा विजयी भएका उम्मेदवारहरु
वडा नम्बर १ नेपाली कांग्रेसः पदमराज गुरुङ
२ नेपाली कांग्रेसः पोतप्रसाद लम्साल
३ नेकपा एमालेः भिमबहादुर गुरुङ
४ नेकपा एमालेः हरिप्रसाद खनाल
५ नेपाली कांग्रेसः छवि आले
६ नेकपा एमालेः श्यामकृष्ण श्रेष्ठ
७ नेकपा एमालेः पाण्डुकुमार थापा
८ नेकपा एमालेः दामोदर तिवारी
९ नेकपा एमालेः अमृत श्रेष्ठ
१० नेपाली कांग्रेसः सुनील खनाल
११ नेपाली कांग्रेसः डण्डापानी पंगेनी
१२ नेकपा एमालेः विश्वजंग गुरुङ
१३ नेकपा एमालेः नमलाल डुम्रे
१४ नेपाली कांग्रेसः राजु कुँवर