वालिङ,२२ वैशाख- नेकपा एमाले वालिङले यही वैशाख ३० गते हुने स्थानीय तहको निर्वाचनलाई लक्षित गरी घर घरमा एमाले उम्मेदवार, टोल टोलमा चुनावी सभालाई तीव्रता दिएको छ । एमाले निर्वाचन परिचालन कमिटी वालिङकाे टाेलि सहित एमालेका तर्फबाट वालिङ  नगरपालिकाकाे प्रमुख, उपप्रमुख, वडा अध्यक्ष एवं सदस्य पदका उम्मेदवारहरु सहितको टोली मतदाताको घर घरमा पुगेर एमालेका उम्मेदवारहरुलाई मतदान गर्न आग्रह गर्नुभएकाे छ। 

एमालेका तर्फबाट वालिङ नगरपालिकाका लागि मेयर पदका उम्मेदवार कृष्ण खाँण र उपमेयर पदका उम्मेदवार खगिसरा थापा सहितको टोलीले वालिङ नगरपालिकाका १४ वटै वडाहरुमा आफ्नाे प्रचारप्रसार अभियान कार्यक्रम अन्तरगत मतदाताहरुलाई भेटघाट गरेर आफ्नाे पक्षमा मत माग्ने काम भइरहेकाे छ ।

एमालेका तर्फबाट मेयरका उम्मेदवार कृष्ण खाँणले नगर वासिले नयाँ अनुहार खोजेकाले आफूले निर्वाचन जित्ने बताउनुभयाे । खाँणले भन्नुभयाे, ‘मतदाताले नयाँ व्यक्ति नेतृत्वमा आएकाे हेर्न चाहेकाेले मैले एमालेकाे तर्फबाट उम्मेदवारी दिएर जनता माझ आएकाेछु यश पटक सबैले एमालेका उम्मेदवारहरुाई भाेट दिएर सेवा गर्ने अवसर दिनुहुनेछ भन्नेमा म ढुक्कछु।’ एमालेले जनचाहाना अनुसार काम गर्ने बताउदै खाँणाले किसान देखि उद्याेग ब्यापारीका साथै विभिन्न राेजगारीका क्षेत्रमा काम गर्नुका साथै जनताका आधारभूत आवश्यक्तालाई मध्यनजर राखेर काम गर्ने प्रतिवद्धता समेतजनाउनुभयाे।

यस्तै उपमेयरकी उम्मेद्वार खगिसरा थापाले आम महिला दिदीबहिनीहरुलाई आत्मनिर्भर बन्ने बाटाेमा अगाडि बढ्न सहयाे पुग्ने गरि महिलाका हकअधिकारहरुलाई स्थापित गर्ने कार्यमा सहयाेग पुग्ने गरि काम गर्ने बताउनुभयाे। यस पालिकाे निर्वानमा वालिङमा एमालेकाे तर्फबाट मेयर, उपमेयर सहित वडाअध्यक्षहरु विजयी हुनेमा आफू विश्वस्त रहेकाे बताउनुभयाे। ‘प्राविधिक कारणले २०७४ सालकाे स्थानीय तहकाे निर्वाचनमा उपविजेयता भएपनि यस पालि चुनावी महोल र पार्टीप्रति नागरिकको लहर बढेकाेले निर्वाचन जितिन्छ भन्नेमा आफु ढुक्क रहेकाे बताउनुभयाे। थापा गत स्थानीय तहको निर्वाचन २०७४ मा एमालेको तर्फबाट उपमेयर पदको उम्मेदवार बन्नुभएकाे थियाे। नेकपा एमाले नगर कमिटी अध्यक्ष शाेभाकान्त पाैडेलले एमालेका सबै कमिटीहरु निर्वाचनमा परिचालित भएकाे र यश पटककाे निर्वाचनमा एमालेका उम्मेद्वार मेयर, उपमेयर सहित सिंगाे टिम नै विजयी हुने दावि गर्नुभयाे।