स्याङ्जा,११ वैशाख– नेकपा एमालेको तर्फबाट आँधिखोला गाउँपालिकाका उम्मेदवारले आज मनोनयन दर्ता गराएका छन् । यही वैशाख ३० गते हुने स्थानीय तहको निर्वाचनको लागि एमालेको तर्फबाट छनोटभएका उम्मेदवारहरु निर्वाचन अधिकृतको कार्यालय आँधिखोला गाउँपालिका कृषिमा पुगेर गाउँपालिकाको अध्यक्ष, उपाध्यक्ष सहित ६ ओटै वडाका वडा अध्यक्ष, महिला सदस्य, दलित महिला सदस्य र खुला सदस्य गरी ३२ पदमा मनोनयन दर्ता गराएकाहुन ।

एमालेले गाउँपालिकाको अध्यक्षमा विश्वनाथ पौडेल र उपाध्यक्षमा सीता थापालाई उम्मेदवार बनाएको थियो । पार्टी कार्यक्रता सहित निर्वाचन अधिकृतको कार्यालय पुगेर अध्यक्षका उम्मेदवार विश्वनाथ पौडेल र उपाध्यक्षका उम्मेदवार सीता थापाले उम्मेदवारी दर्ता गराएका हुन ।
२०७४ सालको स्थानीय चुनावमा शतप्रतिशत जित निकालेको नेकपा एमालेले यो चुनावमा पनि सोही नतिजा दोर्होयाएर अघिल्लो कार्यकालमा शुरु भएका आँधिखोलाबासीका सपनाहरु पूरा गर्दै युवालाई प्रविधि संगसगै उद्धमशिल र स्वरोजगार बनाउने योजना रहेको अध्यक्षका उम्मेदवार विश्वनाथ पौडेलले बताउनुभयो ।

अध्यक्ष उम्मेदवार विश्वनाथ पौडेल नेकपा एमाले स्याङ्जा जिल्ला कमिटीका उपसचिव हुनुहुन्छ भने उपाध्यक्ष उम्मेदवार सीता थापा नेकपा एमाले जिल्ला कमिटी स्याङ्जाकी सदस्य हुनुहुन्छ ।