वालिङ,१ पुस– पत्रकार हिमलाल पराजुली सम्मानित हुनुभएको छ । नेकपा (एमाले) वालिङ नगर कमिटी द्वारा आयोजित बधाई, अभिनन्दन कार्यक्रममा प्रेस चौतारी नेपालको केन्द्रीय सदस्यमा मनोनित भएकोमा पराजुलीलाई सम्मान गरिएको हो ।

नेकपा (एमाले) वालिङ नगर कमिटीका अध्यक्ष शोभाकान्त पौडेलले जिल्लामा रहेर लामो समय सम्म प्रेस चौतारीको नेतृत्व गर्दै केन्द्रीय कमिटीको सदस्य बन्नुभएकोमा पत्रकार पराजुलीलाई सम्मान गरिएको बताउनुभयो ।

पत्रकार पराजुली गण्डकी समाचार डट कमका संचालक एवं सम्पादक हुनुहुन्छ । मङ्सिर २५ गते काठमाडौमा बसेको प्रेस चौतारीको केन्द्रीय कमिटीको बैठकले केन्द्रीय सदस्यमा चयन गरेको हो । पराजुली प्रेस चौतारी स्याङ्जाको सचिव हुदै तीन कार्यकाल प्रेस चौतारी स्याङ्जाको अध्यक्ष भएर चौतारीको नेतृत्व समाल्दै आउनुभएको थियो ।