वालिङ,२८ मङ्सिर– स्याङ्जा जिल्लामा सन् २०१८ मा साक्षरता कार्यक्रम सुरुवात भएका ३५ विद्यालयहरूमा पुस्तकालय स्थापना भएको ३ वर्ष पुगेको अवशरमा पुस्तकालयलाई विद्यालयकै पुर्ण स्वामित्वमा रहने गरी पुस्तकालय हस्तान्तरण भएको छ।

मंसिर ९ बाट सुरु भएको हस्तान्तरण कार्यक्रम ३५ विद्यालयहरूका पुस्तकालयलाई स्थानिय सरकारको रोहवरमा विद्यालयमै कार्यक्रमका विच हस्तान्तरण गरिएको हो।उक्त हस्तान्तरण कार्यक्रममा पुस्तकालयलाई दिगो बनाउनको लागि कार्ययोजना तयार गरिएको र सोहि अनुसार अघि बढाउदै कार्यक्रमलाई दिगो बनाउने प्रतिवद्दता स्थानिय तह तथा विद्यालय परिवारले दिनुभयो । रुम टु रिडको आर्थिक तथा प्राविधिक सहयोग, सूर्योदय क्लबको व्यवस्थापन, शिक्षा विकास तथा समन्वय इकाइ स्याङ्जा र स्थानिय सरकारहरुसंगको सहकार्यमा स्याङ्जा जिल्लामा सन् २०१८ मा ३५ विद्यालय र सन् २०१९ मा २० विद्यालयमा साक्षरता कार्यक्रम सञ्चलनमा रहेको छ ।

कक्षा १ देखी ५ कक्षा सम्मका बालबालिकामा पढ्ने सीप तथा पढ्ने बानीका लागि उत्प्रेरित गर्दै स्वतन्त्र पाठकका रुपमा जीवनपर्यन्त पठन सीपको विकास गर्ने उद्देश्यका साथ सरकारी विद्यालयहरुमा सक्षारता कार्यक्रम सञ्चालनमा आएको हो। यसका लागि विद्यालयको भौतिक पूर्वाधार निर्माण, गुणस्तरीय पठन सामग्री विकास, शिक्षक पेसागत तालिम, वैज्ञानिक पद्धतिमा आधारित पाठ्यपुस्तक तथा शिक्षण विधि र पुस्तकालय स्थापना तथा सञ्चालनका कामहरु भइरहेकोसूर्योदय क्लबका अध्यक्ष अनन्त कुमार श्रेष्ठले जानकारी दिनुभयो ।