स्याङ्जा,१२ कात्तिक– नेपाल कम्युनिष्ट पार्टी (एकिकृत समाजवादी) का अध्यक्ष एवं पूर्व प्रधानमन्त्री माधव कुमार नेपालले एमाले अध्यक्ष केपी शर्मा ओली प्रतिगामी भएको बताउनुभएकोछ ।

एकिकृत समाजवादी स्याङ्जाको पार्टी कार्यालयको उद्घााटन कार्यक्रममा बोल्दै नेता नेपालले सो कुरा बताउनुभएको हो ।
जिल्ला सदरमुकाममा पार्टी कार्यालयको उद्घाटन गर्दै नेता नेपालले अहिले गठबन्दनमा रहेका दलहरु आगामी निर्वाचनमा मिलेर चुनावमा जाने समेत बताउनुभयो । आगामी निर्वाचनमा एमाले चौथो पार्टी बन्ने दावी गर्दै नेता नेपालले केपी शर्मा ओलीको स्वेच्छाचारी प्रवृतिले गर्दा पार्टी विभाजन भएको र देशै भरि एकिकृत समाजवादीको जनलहरु बढेकाले ओली आत्तिएको दावी गर्नुभयो ।

ओली अग्रगमनको बिरोधी भएकाले आफुहरुले नयाँ दल गठन गरेर कम्युनिष्ट आन्दोलनलाई अगाडी बढाएको नेता नेपालको भनइ थियो ।
कार्यक्रममा स्वास्थ्य मन्त्री बिरोध खतिवडाले सबै नेपाली जनतालाई खोप लगाउने व्यवस्था मिलाउने बताउदै अबको केही दिन पछि १२ वर्ष माथिकालाई समेत खोप लगाउने बताउनुभयो ।