काठमाडौं,४ भदौ– नेकपा एमालेबाट छुट्टिएर नयाँ पार्टी गठन गरेको माधव नेपाल पक्षले पार्टीको नाम नेकपा ‘एकीकृत समाजवादी’ राख्न निर्वाचन आयोगमा निवेदन दिएको छ ।
यस अघि नेपाल पक्षले नयाँ पार्टीको नाम नेकपा एपाले(समाजवादी) राखेर आयोगमा निवेदन दिएको थियो । आयोगले एमाले पहिलेनै निर्वाचन आयोगमा दर्ता भइसकेकोले नाम फेरेर ल्याउन भनेपछि वरिष्ठ नेता माधवकुमार नेपालले नयाँ नाम राखेर आयोगमा निवेदन दिएको हो ।
निर्वाचन आयोगमा आज निवेदन दर्ता भएको आयोगका प्रवक्ता राजेन्द्र श्रेष्ठले जानकारी दिनुभयो । उहाँका अनुसार नेपाल कम्युनिष्ट पार्टी एकीकृत समाजवादी राखेर निवेदन दर्ता भएको हो ।
गत फागुन २३ गतेको सर्वोच्चको फैसलाले तत्कालीन नेकपा ९एमाले० र नेकपा ९माओवादी केन्द्र० व्यूँताएपछि सोही नाममा अर्को दल दर्ता हुन नसक्ने निर्वाचन आयोगले जनाएको छ ।
एमालेबाट अलग हुनुभएका नेता माधवकुमार नेपाल पक्षले भदौ २ गते बुधबार अलग दल दर्ताको आवेदन आयोगमा दिएको थियो । आयोगले विहीबार मात्र दल दर्तासम्बन्धी नियमावली संशाधन गरेको थियो । नियमावली र ऐन अनुसार नाम, झण्डा र चुनाव चिन्ह दोहोरिएर राख्न नमिल्ने व्यवस्था भएकाले एउटै नाममा दल दर्ता गर्न नमिल्नेगरी आयोगले निर्णय लिने आयोगका प्रवक्ता राजकुमार श्रेष्ठले बताउनुभयो ।