पाल्पा,२५ साउन– नेपाल पत्रकार महासंघ पाल्पाको पत्रकारहरुको बिमा गर्ने भएको छ । आइतबार बसेको बैठकले शाखा आवद्ध पत्रकारहरुको दुर्घटना बिमा गर्ने निर्णय गरेको हो ।
शाखाको बैठकले महासंघमा आवद्ध कार्य समिति, साधारण सदस्य र कार्यालय कर्मचारीको दुर्घटना बिमा गर्ने निर्णय गरिएको शाखा अध्यक्ष रेखीराम रानाले बताउनुभयो ।
बैठकले महासंघका गतिबिधि, लेख रचना समेटिएको प्रवाह बुलेटिन प्रकाशनलाई रिन्तरता दिने निर्णय गरेको छ । नव निर्वाचित वर्तमान कार्यसमितिको आगामी तीन वर्षको कार्ययोजना निर्माणका लागि सचिव यज्ञमूर्ति तिमिल्सिनाको संयोजकत्वमा सदस्यद्धय भुवन रायमाझी र अनिल लिगल सदस्य रहने गरी कार्ययोजना निर्माण उपसमितिको गठन गर्ने निर्णय गरेको अध्यक्ष रानाले बताउनुभयो ।
बैठकले महासंघको संस्थागत विकास, सुचनाको हक लगायतका विषयमा जिल्ला स्थित स्थानीय तहसित अन्र्तक्रिया गर्ने समेत निर्णय गरेको छ ।
बैठकल महासंघको आफ्नो परिचय झल्किने वेभसाइट निर्माण गर्ने निर्णय गरेको सचिव यज्ञमूर्ति तिमिल्सिनाले जानकारी दिनुभयो । बैठकले महासंघ मार्फत अतिरिक्त क्रियाकलाप संचालनका लागि सहसचिव कृष्ण दर्नालको संयोजकत्वमा सदस्यहरु कृष्ण पोखरेल, दुर्गेस मल्ल, सुनिल कार्की र विजय पौडेल सदस्य रहने गरी अतिरिक्त क्रियाकलाप संचालन उपसमितिको गठन गर्ने निर्णय गरेको छ ।