वालिङ,२४ साउन– जिल्ला सदरमुकाम स्थीात पुतलीबजार नगरपालिका शहिदचोकमा प्रमुख जिल्ला अधिकारी दिपकराज नेपालले निशुल्क माक्स वितरण अभियानको माक्स वितरण गरेर उद्घाटन गर्नुभएको छ । प्रमुख जिल्ला अधिकारी नेपालले एक बृद्धा आमालाई माक्स हस्तान्तरण गरेर अभियानको सुरुवात गर्नुभएको हो ।

प्रमुख जिल्ला अधिकारी नेपालले राष्ट्रिय कार्यक्रम अनुरुप निशुल्क मास्क वितरण कार्यक्रमको शुभारम्भ गर्नुभएको हो । माक्स वितरण अभियान कार्यक्रममा बोल्दै प्रजिअ नेपालले स्याङ्जामा १० हजार माक्स वितरण गर्ने कार्यक्रम रहेको बताउनुभयो ।

उहाँले जिल्ला प्रशासन कार्यालय स्याङजाबाट ५ हजार, जिल्ला प्रहरी कार्यालयबाट २ हजार र नेपाल रेडक्रश सोसाईटि स्याङजा शाखाबाट २ हजार लगायत अन्य निकायहरुबाट गरी १० हजार माक्स वितरण गरिने जानकारी दिनुभयो ।
जिल्ला प्रहरी कार्यालयको गेट अगाडी जिल्ला प्रहरी कार्यालयको आन्तरिक व्यवस्थापन र जिल्ला प्रशासन कार्यालय, जनस्वास्थ्य कार्यालय, रेडक्रसको सहकार्यमा निशुल्क दश हजार माक्स वितरणको लागि डेक्स समेत स्थापना गरिएको छ ।

जिल्ला सदरमुकामबाट माक्स वितरण शुरु भएपनि जिल्ला भर नै माक्स वितरण कार्यक्रम संचालन हुने जिल्ला प्रहरी कार्यालय स्याङ्जाका प्रमुख प्रहरी उपरीक्षक होविन्द्र बोगटीले बताउनुभयो । उहाँले प्रहरी परिचालन गरी माक्स नलगाईएको ठाउमा माक्सको प्रयोग गरिने जानकारी दिनुभयो ।