स्याङ्जा,२४ साउन– विश्व हिन्दू युवा संघ स्याङ्जाले गण्डकी प्रदेश शिक्षा,संस्कृति ,विज्ञान प्रविधि तथा सामाजिक विकास मन्त्री मेखलाल श्रेष्ठलाई ज्ञापन पत्र बुझाएको छ ।

संघले विद्यालय तहमा नैतिक तथा व्यवहारिक शिक्षा लागू गर्न माग गर्दै ज्ञापन पत्र बुझाएको हो । अहिलेको अवस्थामा नैतिक शिक्षाको महत्व झन बढ्दै गएकोले यो विषयको पठनपाठन विद्यालय तहमा अनिवार्य गर्न माग गर्दै गण्डकी प्रदेशका शिक्षा मन्त्रीलाई ज्ञापन पत्र बुझाएको विश्व हिन्दू युवा संघ स्याङ्जाका अध्यक्ष नबराज पौडेलले जानकारी दिनुभयो ।

ज्ञापन पत्र बुझ्दै मन्त्री श्रेष्ठले आहिले नैतिक र व्यवाहारिक शिक्षा अत्यन्तै आबस्यक रहेको र यसलाई शिक्षा नीतिमा समावेस गर्ने बताएको विश्व हिन्दू युवा संघ स्याङ्जाले जनाएको छ ।
संघ यस अघि जिल्लाका स्थानीय तहमा पुगेर ज्ञापन पत्र बुझाएको र स्थानीय तहरु नैतिक शिक्षाको पठनपाठन गर्ने कुरामा सकारात्मक रहेको पनि जनाएको छ ।