काठमाडौं, साउन– पछिल्लो समय आक्रामक बैकिङ गर्दैै आएको गरिमा विकास बैंककले केसिएल एक्ट्यूट क्यापिटलमा ५१ प्रतिसत लगानी थपेको छ । मर्चेन्ट बैंकिङको काम गर्ने हेतुले गरिमाले २०७५ असारमा धितोपत्र बोर्डबाट लाइसेन्स पाएको केसिएल एक्ट्यूट क्यापिटललाई किनेको हो ।

२४ करोड २० लाख चुक्ता पुँजी रहेको केसिएल एक्ट्यूट क्यापिटलमा गरिमाले १२ करोड ३९ लाख लगानी गर्ने भएको छ । केसिएल एक्ट्यूट क्यापिटलको १ साताअघि सम्पन्न साधारणसभाले गरिमालाई भित्र्याउने निर्णय पास भैसकेको क्यापिटलका अध्यक्ष दिपक पाण्डेले बताउनुभयो ।

राष्ट्रिय स्तरको विकास बैंक गरिमाले मर्चेन्ट बैंकिङको काम गर्न केसिएल एक्ट्यूट क्यापिटललाई किनेको हो । आगामी भदौ १५ गतेभित्रै गरिमा क्यापिटलको नामबाट कारोवार हुने गरिमा विकास बैंकको सीईओ गोविन्द ढकालले बताउनुभयो । आगामी दिनमा आक्रामक रुपमा बजारमा उपस्थिती जनाइ इन्भेष्टमेन्ट बैंकिङ, म्यूचुअल फण्ड र बुकबिल्डीङको काम गर्ने कम्पनीका कामु सीईओ निर्मल भट्टराईको भनाइ छ । स्रोतःअर्थ पथ