काठमाडौं,१६ साउन– नेकपा एकालेका वरिष्ठ नेता माधवकुमार नेपालले देशको हितमाथी कुठराघात गर्नेलाई छुट दिन नसकिने बताउनुभएको छ । नेता नेपाल पक्षीय अनेरास्ववियु केन्द्रीय कमिटीद्वारा शनिबार आयोजित अखिल फोर्स बृहत् भेलालाई सम्बोधन गर्दै वरिष्ठ नेता नेपालले सर्वाेच्च अदालतले संविधान र संसदको रक्षा गरेको बताउनुभएको हो । हामीले राम्रोबाट सिक्नुपर्छ, नराम्रोबाट होइन, स्वस्थ वायु लिनुपर्छ, अस्वस्थ वायु होइन, नेता नेपालले बताउनुभएको छ ।

उहाँले सत्य र आदर्शलाई नै आत्मसात् गर्दे कसैबाट तर्सेर र मैदानबाट भाग्नुपर्ने आवश्यकचा नभएको पनि बताउनुभयो । नेता नेपालले गलत कामको सामना गर्नुपर्छ तर सहि तरिकाबाट आफूहरु अघि बढ्नुपर्ने पनि धारणा राख्नुभएको छ । अहिलेको अवस्थामा एमाले जबजको सिद्धान्तबाट निरंकुश प्रवृत्तिलाई निरुपण गर्दै अघि बढ्नुपर्ने नेता नेपालको भनाइ  थियो ।