मिर्मी,२१ असार– कालीगण्डकी गाउँपालिका र नेपाल विद्युत प्राधिकरण बिच सम्झौता भएको छ । कालीगण्डकी गाउँपालिकाले पालिका भीत्र रहेका स्थानीय बासिन्दाको न्यूनतम विद्युत महसुल तिरिदिने निर्णय गरे संगै गाउँपालिका र विद्युत प्रधिकरण बिच सम्झौता पत्रमा हस्तक्षर सहित सम्झौता पत्र आदानप्रदान गरिएको छ ।
गाउँपालिकाले तीन महिनाको ४५ सय ४७ घर धुरीको न्यूनतम विद्युत महसुल बराबरको रकम रु ४ लाख १० हजार रुपैयाँ विद्युत प्रधिकरणलाई हस्तान्तरण गरेको विद्युत प्राधिकरण स्याङ्जाका प्रमुख दिलिप मरासिनीले बताउनुभयो । वैशाख, जेठ र असार महिनाको प्रत्येक ग्राहकको मासिक ३० रुपैयाँका दरले पहिलो किस्ता प्राधिकरणमा जम्मा भएको र प्रत्ये ६÷६ महिनामा गाउँपालिकाले प्राधिकरणलाई रकम उपलब्ध गराउने सहमति भएको प्राधिकरणका लेखाप्रमुख विष्णुप्रसाद न्यौपानेले जानकारी दिनुभयो ।

गाउँपालिकाले पालिका बासिलाई विद्युतबाल्न कुनै समस्या नहोस भनेर गाउँपालिका बासिको न्यूनतम विद्युत महसुल गाउँपालिकाले तिरिदिने निर्णय भएअनुसार गाउँपालिका र नेपाल विद्युत प्राधिकरण स्याङ्जा बिच सहमति भएर कार्यान्वयनमा आएको गाउँपालिका अध्यक्ष खिम बहादुर थापाले बताउनुभयो । गाउँपालिका आफैले विद्युत महसुल तिरेर निशुल्क बत्ति बाल्ने ब्यवस्था मिलाइदिएपछि पालिका बासि उत्साहित भएकाछन् ।