स्याङजा,२२ असार– प्रहरीले बिभिन्न मुद्धामा सजाय तोकिएका फरार रहेका व्याक्तिहरुलाई पक्राउ गरेको छ । जिल्ला प्रहरी कार्यालय र माताहतका प्रहरी चौकीबाट खटिएको प्रहरीको टोलिले बिभिन्न मुद्धामा अदालतबाट सजाय तोकिएका २० जना फरार प्रतिवादीहरुलाई पक्राउ गरिएको जिल्ला प्रहरी कार्यालयले जनाएको छ ।
पछिल्लो दुई हप्तामा पक्राउ पर्नेहरुमा सावरी ज्यान, नाता कायम, जबरजस्ती करणी, गाली वेइज्ज्ती लगायतका विभिन्न मुद्धामा विभिन्न समयमा फैसला भइ फरार रहेका प्रतिवादीहरु भएको जिल्ला प्रहरी कार्यालय स्याङजाका प्रहरी नायव उपरीक्षक राजेन्द्रप्रसाद अधिकारीले जानकारी दिनुभयो ।
पक्राउ पर्नेहरुमा २०७० सालमा सवारी ज्यान मुद्धामा फरार रहेका पुतलीबजार नगरपालिका ६ का ६५ वर्र्षीय मोतीप्रसाद गुरुङ, जवरजस्ती करणी मुद्दामा ५ वर्ष कैद सजाय तोकिई फरार रहेका अर्जुन चौपारी गाउँपालिका २ का ७१ वर्षीय मन बहादुर रोकाय लगायतका रहेकाछन् ।
पक्राउ गरिएका सबैलाई आवश्यक कारबाहीको लागि जिल्ला अदालतमा उपस्थित गराईएको जिल्ला प्रहरी कार्यालयले जनाएको छ ।