विश्व पौडेल

सह गयो किसानको

जिउ जोगाउनै गाह्रो भयो !!

बथानहरू खेत छिरे

बीउ जोगाउनै गार्हो भयो !!

के रोप्नु खै जराकाटि

बिउकै माला लाउन थाले

सुटबुट लगाउदै एकछिन् खेतमा आउन थाले !

रोप्नु पर्ने धानको बिउको लाउन थाले माला

किसानले लाज माने देख्दा यस्तो चाला !

पजेरोमा हुईकिएर एक छिन हलो च्याप्छन्

फेसबुकमै फुटो हाल्न अनि हिलो छ्याप्छन् !

अरबौको धान किन्ने कृषि प्रधान देश

देखाउनलाई यस्तो जात्रा नगरेकै बेश !

हेर्दै जाँउ भोलि पर्सि कस्ता दिन आउनि होलान्

जुत्ता पसल उद्घाटनमा के को माला लाउनि होलान् ?

खेतको बीउ उखेलेर गमलामा छर्नि अरे

मुर्दाघरको उद्घाटन त आफै मरि गर्नि अरे !

कोहि रोप्छन् गमलामा कोहिले उता सडक भरि,

मंसिरमा भित्राउछन् बिहारबा टडक भरि !

खेतको फाँट देखे पछि चिरा पारि चिर्नेहरू

तिनै हुन्छन् सर्वोत्कृष्ट कृषक बिल्ला भिर्नेहरू

हाम्रो देश यसै हो र भा को हजुर काम नलाउने,

यस्ता त छन् नेपालमा, कृषि क्रान्ति चलाउने !!!!!

दहिचिउरे दिनको दहिचिउरे शुभकामना !!!