स्याङ्जा,१४ असार– स्वर्गीय जननेता मदन भण्डारीको ७० औं जन्मजयन्तीको अवसरमा स्याङ्जामा बिभिन्न कार्यक्रम गरेर मनाइएको छ । जिल्ला सदरमुकाममा रहेको नेकपा एमालेको पार्टी कार्यालय परिसरमा स्वर्गीय जननेता मदन भण्डारीको शालिकमा माल्यार्पण गरेर एमाले नेता एवं कार्यक्रताहरुले मदन जयन्ती मनाएका छन् ।

कार्यालय परिसरमा रहेको शालिकमा जिल्ला अध्यक्ष सूर्यप्रसाद गैरे (पारस) जिल्ला समन्वय समितिका प्रमुख एवं एमाले नेत्रृ सीता कुमारी सुन्दास लगतयतले स्वर्गीय जननेता मदन भण्डारीको शालिकमा माल्यार्पण गर्नुभएको थियो ।
यसै गरी मदन भण्डारी फाउन्डेसनले जिल्ला अस्पतालमा पुगेर अस्पतालमा रहेका बिरामीहरुलाई फलफुल वितरण गरेर स्वर्गीय जननेता मदन भण्डारीको ७० औं जन्मजयन्ती मनाइएको छ ।