स्याङ्जा,११ जेठ– जिल्ला प्रहरी कार्यालय स्याङजाले स्याङ्जा जिल्लामा डिलरको रुपमा नक्कली सेनिटाईजर विक्रि वितरण गर्दै आएका प्रगतीनगर घुम्तीका एक व्यक्तीलाई नियन्त्रणमा लिएको छ । प्रहरीले स्थानीय देवेन्द्र पौडेललाई करिब २ सय लिटर नक्कली सेनिटाईजर सहित नियन्त्रणमा लिएको हो ।

गोप्य सुराकीका आधारमा स्याङजा जिल्लामै नक्कली सेनिटाईजरको विक्रि वितरण गर्दै आएका स्याङजाका देवेन्द्र पौडेललाई नियन्त्रणमा लिईएको जिल्ला प्रहरी कार्यालय स्याङजाका प्रमुख प्रहरी उपरीक्षक होबेन्द्र बोगटीले बताउनुभयो । प्रहरी उपरीक्षक बोगटीले पौडेललाई नियन्त्रणमा लिई थप अनुसन्धान भैरहेको जानकारी दिनुभयो ।

स्याङजा प्रहरीले पौडेलले विक्रि वितरण गरेका नक्कली सेनिटाईजर सेनीटाईजरहरु स्याङजा सदरमुकाम पुतलीबजारमा रहेका सतीदेवी पोलिक्लीनीक र शुभ संगीता मेडिकलह हलबाट र पोखराबाट ल्याएका नक्कली सेनिटाईजर स्याङजा हस्पीटलबाट जफत गरेको छ । स्याङजा प्रहरीले बजारमा नक्कली सेनिटाईजर को विगविगी रहेकाले कम्पनी हेरेर मात्रै सामान वा सेनिटाईजर खरिद गर्न अनुरोध गरेको छ ।

काठमाडौंमा प्रहरीले कम्पनी माथी छापा हानेपछी सेनिटाईजर नक्कली हो भन्ने आफुलाई पनि थाहा पाएको पक्राउ परेका पौडेलले प्रहरीलाई बताउनुभयो ।