पाल्पाका दुई स्थानिय तहले खोप खरिदको अनुमती माग्दै


सिर्जना घिमिरे

पाल्पा,१० जेठ– कोरोना महामारीको संक्रमण फैलिदै गएपछि पाल्पाका स्थानिय तहले सरकारसँग खोप खरिदका लागि अनुमति मागेका छन् । पाल्पाको रामपुर नगरपालिका र रम्भा गाउँपालिकाले मन्त्रालयमा पुगेर नेपाल सरकारसँग खोप खरिदका निम्ति अनुमति दिन माग गरेका हुन् ।
रामपुर नगरपालिकालका नगरप्रमुख रमणबहादुर थापाले स्वास्थ्य तथा जनसंख्या मन्त्रालयमा मन्त्री हृदयेश त्रिपाठीलाई भेटेर ५० हजार खोपको डोज खरिद प्रक्रियाका लागि अनुमति दिन माग गरिएको बताउनुभयो । अग्रपंक्तिमा काम गर्ने नागरिकलाई दोस्रो खोप लगाइसकिएको बताउदै नगरबासीलाई कोरोना भाइरस रोकथाम, उपचारमा नियन्त्रण र व्यवस्थापनका लागि नगरपालिकाले आफ्नै लगानीमा खोप खरिदको प्रक्रिया अगाडी बढाउने भएकोले अनुमति दिन माग गरिएको नगरप्रमुख थापाको भनाइ छ ।
रम्भा गाउँपालिकाले पनि कोरोनाका कारण जनताले ज्यान गइरहेको दुःखद अवस्थामा कोरोनाबाट बचाउन प्रत्येक नागरिकलाई खोप लगाउने जनाएको छ । पालिकामा करिब २० हजार डोज खोप खरिदको अनुमति दिन माग गर्दै आज स्वास्थ्य तथा जनसंख्या मन्त्रालय सिंहदरबारमा निवेदन पेश गरिएको अध्यक्ष विष्णुप्रसाद भण्डारीले बताउनुभयो ।
पालिकाले आफ्नै लगानीमा कोरोना भाइरसको खोप खरिदका निम्ति प्रक्रिया अगाडी बढाएको जनाएको छ । खोप खरिदका लागि पालिकाको विपद व्यवस्थापन कोषको रु. ७० लाख तथा चालु आर्थिक वर्षमा सम्झौता नभएका विकास योजना बजेटबाट मिलान गर्ने गरि काम गरिने अध्यक्ष भण्डारीले बताउनुुभयो । उहाँले विकास जनताको आवश्यकता भएपनि महामारीमा जनताको स्वास्थ्य रक्षा नै मुख्य प्राथमिता रहेकोले खोप खरिद गर्ने निर्णयमा पुगेको बताउनुभयो ।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal