स्याङ्जा, १३ वैशाख– आँधीखोला गाउँपालिका १ बस्ने ७२ वर्षीया टीका कुमारी तिवारीको आगोमा जलेर मृत्यु भएको छ । आइतबार सोही वडाको अर्घौदीमा वर्तवन्दको निमता मानेर घर फर्कने क्रममा बाटोमा हिड्दै गर्दा रातो पहिरो पाखामा लागेको आगोको मुस्लोमा परेर मृत्यु भएको प्रहरीले जनाएको छ । बृद्धा तिवारीको शरिरको सबैभाग जलेको अवस्थामा फेला पारेको र घटनाका बारेमा थप अनुसन्धान भइरहेको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्र प्रसाद अधिारीले जानकारी दिनुभयो । मृत्क बृद्धाको लाश पोष्टमार्टम कार्यको लागि जिल्ला अस्पताल स्याङ्जामा राखिएको प्रहरीले जनाएको छ ।